ამირან მგელაძე

დაბადების ადგილი: ქ. ფოთი.

დაამთავრა ბათუმის საზღვაოსნო სასწავლებლის გემთწამყვან - სანავიგაციო ფაკულტეტი 1967 წელს; ნოვოროსიისკის უმაღლესი საზღვაო-საინჟინრო სასწავლებელი (НВИМУ) 1991 წელს; ბათუმის სახელმწიფო საზღვაო აკადემია ინჟინერ-გემთწამყვანის სპეციალობით 1997 წელს.

სწავლის პერიოდში საზღვაო - საცურაო პრაქტიკები სახელოვან აფროსან-იალქნიან ბარკ «ТОВАРИЩ»-ზე და ნოვოროსიისკის სანაოსნოს ტანკერ «БУХАРЕСТ»-ზე გაიარა; 1967 წელს, შტურმან გემთწამყვანის სპეციალობით სასწავლებლის დასრულებისთანავე ზღვაში პროფესიული საქმიანობა იმ დროს თვალსაჩინო კაპიტან იაკობ ჯინჭარაძის მეთაურობის ქვეშ მყოფი ახლად დაარსებული საქართველოს საზღვაო სანაოსნოს პირველი გემის, ტანკერ «АЛАГИР»-ის მატროსად დაიწყო და მალე ამავე გემზე გახდა კაპიტნის მესამე თანაშემწე; მომდევნო წლებში საქართველოს საზღვაო სანაოსნოს სხვადასხვა გემებზე ცურავდა კაპიტნის მეორე და უფროს თანაშემწედ, 1980 წელს კი თავად გახდა კაპიტანი და ტანკერ «НАДЕЖДА КУРЧЕНКО»-ს ეკიპაჟის მეთაურობა ჩაიბარა; კაპიტნად ცურავდა საქართველოს საზღვაო სანაოსნოს ტანკერებზე: «КАРЕЛИ», «ЭВЕНСК», «АЛЕКСЕЕВКА»-სა და «АЛЕКСАНДР КОРНЕЙЧУК»-ზე, გასული საუკუნის 90-იანი წლებიდან კი ერთობლივი და უცხოური სანაოსნო კომპანიების: «ANGLO-GEORGIAN»-ის, «ABC MARITIME»-ს, «COLUMBIA SHIPMANAGEMENT»-ისა და «EASTWIND SHIPPING»-ის ტანკერების: «NINO-»ს, «VEKUA»-ს, «PARNAR»-ის, «LAKE LISI»-ს «BARENTS WIND»-ის, «KING GEORGE»-ისა და «ARAFURA WIND»-ის ეკიპაჟებს მეთაურობდა; 2011 წლიდან პროფესიულ საქმიანობას ნაპირზე, საჯარო სამსახურში განაგრძობს, საქართველოს საზღვაო ტრანსპორტის სააგენტოს საზღვაო-სამაშველო საკოორდინაციო ცენტრში; ეწევა პედაგოგიურ საქმიანობას საზღვაო-საწვრთნელ ცენტრ "ეკვატორში". შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com

• 2002 - ღირსების ორდენი