
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ნიკოლოზ გედევანიშვილი

Legal name:	ნიკოლოზ გედევანოვი
Date of birth:	6 January, 1881
Date of death:	13 July, 1937 (at 56 years)
Category:	Military Person

Biography

დაბადების ადგილი: ქ. მცხეთა.

დაამთავრა თბილისის კადეტთა კორპუსი და პავლეს სამხედრო სასწავლებელი 1901წელს; ნიკოლოზის საიმპერატორო სამხედრო აკადემია I თანრიგით 1913 წელს.

დაიბადა რუსეთის იმპერიის არმიის პოდპოლკოვნიკის ოჯახში. მისი და-ძმები იყვნენ გენერლები ალექსანდრე და იოსებ გედევანიშვილები, მეცნიერი გიორგი გედევანიშვილი, პუბლიცისტი ანასტასია გედევანიშვილი. 1899 წლიდან ირიცხებოდა სამხედრო სამსახურში. 1904-1905წწ. მონაწილეობდა რუსეთ-იაპონიის ომში; 1914-1918წწ. I მსოფლიო ომის დროს იყო ჩრდილოეთის ფრონტის შტაბის ოფიცერი (1914-1917), შემდეგ - მე-2 კავკასიის კაზაკთა დივიზიის შტაბის უფროსის მოვალეობის შემსრულებელი (1917 წ. სექტ.), ქართული ცხენოსანი ბრიგადის შტაბის უფროსი (1917 წ. ნოემბ.-დეკ.), 1-ლი ქართული მსროლელი დივიზიის შტაბის უფროსი (1917 დეკ.-1918 ივნ.). 1918-1921წწ. მსახურობდა დამოუკიდებელი საქართველოს სამხედრო სამინისტროს გენერალურ შტაბში, იყო გენშტაბის განყოფილების საორგანიზაციო სექციის უფროსი, სამხედრო წარმომადგენელი აზერბაიჯანში, მონაწილეობდა მოლაპარაკებებში უცხოეთის ქვეყნების სამხედრო წარმომადგენლებთან. საქართველოში საბჭოთა რეჟიმის დამყარების (1921) შემდეგ გედევანიშვილი მსახურობდა წითელი არმიაში; იყო საქართველოს სსრ სამხედრო და საზღვაო საქმეთა სახალხო კომისარიატის შტაბის უფროსი, მე-2 ცალკე კავკასიის არმიის შტაბის უფროსის თანაშემწის მოვალეობის შემსრულებელი, შემდეგ - თბილისის სახელმწიფო უნივერსიტეტის სამხედრო ხელმძღვანელი. საბჭოთა ხელისუფლების მიერ დაპატიმრებული იყო 1930 და 1931 წლებში. 1937 წლის ივნისში კვლავ დააპატიმრეს, 13 ივლისს მიუსაჯეს სიკვდილით დასჯა და იმავე დღეს დახვრიტეს. ქართველი სამხედრო მოღვაწე, პოლკოვნიკი (1917).

წყარო: რუსული არმია პირველ მსოფლიო ომში: grwar.ru; ru.openlist.wiki

Awards and Honors

1915 - წმინდა ანას IV ხარისხის ორდენი
1915 - წმინდა ვლადიმირის IV ხარისხის ორდენი (ხმლებით და ბაბთით)
1915 - წმინდა ანას II ხარისხის ორდენი (ხმლებით)
1915 - წმინდა ანას III ხარისხის ორდენი (ხმლებით და ბაფთით)
1913 - წმინდა სტანისლავის II ხარისხის ორდენი
1909 - წმინდა ანას III ხარისხის ორდენი (ხმლებით და ბაფთით)
1905 - წმინდა სტანისლავის III ხარისხის ორდენი