გივი ღუღუნიშვილი

დაამთავრა საქართველოს პოლიტექნიკური ინსტიტუტის მექანიკის ფაკულტეტი მანქანათმშენებლობის ტექნოლოგიის სპეციალობით 1953 წელს; მოსკოვის სახელმწიფო სამეცნიერო-კვლევითი ტექნოლოგიური ინსტიტუტის ასპირანტურა 1959 წელს.

1959-1960წწ. მუშაობდა მოსკოვის სახელმწიფო სამეცნიერო-კვლევით ტექნოლოგიურ ინსტიტუტში; 1960-1961წწ. თბილისის სხვადასხვა სამეცნიერო-კვლევით ორგანიზაციაში ხელმძღვანელ თანამდებობაზე; 1961-1963წწ. ქ. ლენინგრადის ელექტროშედუღების მოწყობილებათა სამეცნიერო-კვლევითი ინსტიტუტის თბილისის ფილიალის დირექტორის მოადგილე სამეცნიერო მუშაობის დარგში; 1963-1969წწ. ელექტრომანქანათმშენებლობის საკავშირო სამეცნიერო-კვლევითი ინსტიტუტის ამიერკავკასიის ფილიალის დირექტორის მოადგილე; 1969-1985წწ. გაერთიანება "კვანტი: (ქ. მოსკოვი) ელექტრონულ-იონური ტექნოლოგიის სამეცნიერო - კვლევითი ინსტიტუტის განყოფილების გამგე; 1985-1987წწ. სამეცნიერო-საწარმოო გაერთიანება "ელვას" ქარხნის მთავარი ტექნოლოგი, დირექტორის მოადგილე; 1987 წლიდან გადაიყვანეს საქართველოს გამოთვლითი ტექნიკისა და ინფორმატიკის სამეცნიერო-საწარმოო გაერთიანება "ალგორითმის" გენერალური დირექტორის მოადგილედ. გამოქვეყნებული ჰქონდა 150-ზე მეტი ნაშრომი. არის 16 გამოგონების ავტორი. აღსანიშნავია მისი წვლილი საქართელოს პოლიტექნიკურ ინსტიტუტში საშემდუღებლო წარმოების დანადგარებისა და ტექნოლოგიის კათედრის დაფუძნებასა და მისი სასწავლო-სამეცნიერო ბაზის ჩამოყალიბებაში. მის მიერ გალვანოტექნიკის დარგში დამუშავებულ მრავალ არსებულ მეთოდთაგან აღსანიშნავია ნაშრომი სახელწოდებით "ღუღუნიშვილის მეთოდის გამოცდა", რომელიც დაიბეჭდა გერმანიის ფედერაციულ რესპუბლიკაში. ტექნიკის მეცნიერებათა კანდიდატი ( დაიცვა 1959 წელს მოსკოვის სახელმწიფო სამეცნიერო-კვლევითი ტექნოლოგიური ინსტიტუტში).

წყარო: ცნობილი და უცნობი პოლიტექნიკოსები/ დავით გურგენიძე.- თბ.,2020.- გვ.226-227

• საქართველოს საინჟინრო აკადემია, აკადემიკოსი

• სსრკ საპატიო გამომგონებელი
• საქართველოს დამსახურებული ინჟინერი