მარლენ ძნელაძე

დაბადების ადგილი: დაბა ჩოხატაური, გურიის მხარე.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ინჟინერ-ელექტრიკოსის კვალიფიკაციით 1968 წელს.

მუშაობა დაიწყო საპროექტო ინსტიტუტ "საქქალაქმშენსახპროექტში"; 1969-1972წწ. - ჩოხატაურის რაიონის სოფლის მეურნეობის სამმართველო, ინჟინერი; 1973 წლიდან - "საქმთავარენერგო", დისპეტჩერი; 1979 წლიდან - უფროსი დისპეტჩერი, სადისპეტჩერო სამსახურის უფროსის მოადგილე; 1980-1982წწ. - ენგურის ჰესების კასკადის ვარდნილ ჰესი-1-ის მთავარი ინჟინრის მოადგილე; 1982-1985წწ. - "საქმთავარენერგოში" იმედიანობის სამსახურის უფროსი, "საქმთავარენერგოს" უფროსის თანაშემწე, პერსპექტიული სამსახურის უფროსი; მონაწილეობდა ატომური ელექტროსადგურის, თბილსრესის მე-9 და მე-10 ენერგობლოკების და სხვა ენერგოობიექტების დასაბუთებასა და პროექტირებაში; 1985-1986წწ. - თბილსრესის დირექტორის მოადგილე; 1986 წლიდან - "საქმთავარენერგოს" მთავარი ინჟინრის მოადგილე, უფროსის მოადგილე; 1988-1993წწ. - "საქენერგოს" გენერალური დირექტორის მოადგილე, მთავარი ინჟინერი; 1993 წლიდან - თბილსრესის გენერალური დირექტორი; 1994 წლიდან - დეპარტამენტ "საქენერგოს" თავმჯდომარის მოადგილე. როგორც ექსპერტი, მონაწილეობდა საქართველოს ენერგეტიკის პოლიტიკის შემუშავებაში ტასისის პროექტის ფარგლებში; იყო ელექტროენერგეტიკული სექტორის რესტრუქტურიზაციის სახელმწიფო კომიტეტის მდივანი, მონაწილეობდა რესტრუქტურიზაციის პროგრამის დამუშავებასა და განხორციელებაში. 1997-2000წწ. - "საქენერგოს" ეკონომიკისა და საგარეო ურთიერთობათა დეპარტამენტის უფროსის მოადგილე, უფროსი; 2000-2001წწ. - "ელექტროდისპეტჩერიზაცია-2000"-ის საგარეო ურთიერთობებისა და კონტრაქტების სამმართველოს უფროსი; 2001-2006წწ. - ელექტროენერგიის საბითუმო ბაზრის დეპარტამენტის დირექტორი; 2006 წლიდან - შპს "სპეცენერგორემონტის" მარკეტინგის დირექტორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.406