კახაბერ ტატიშვილი

დაამთავრა თბილისის სახელმწიფო სამხატვრო აკადემია 1992 წელს.

მისი ფერწერა, სახვითი თუ აბსტრაგირებული კომპოზიციები, პეიზაჟები თუ ნატურმორტები დახვეწილი ფერადოვნებით, ლაკონური ფორმებითა და მაჟორული განწყობით გამოირჩევა. "თემატურად და შესრულების მხრივაც ვცდილობდი და ვცდილობ მრავალფეროვანი იყოს ჩემი შემოქმედება. იგი ძირითადად ასახავს ჩემს ხედვას და დამოკიდებულებას ამა თუ იმ საგნის, მოვლენის, პიროვნების ან სიტუაციის მიმართ. ყოველთვის მინდოდა ეს ნამუშევრები ავტორისეული გამორჩეული ხედვის შედეგი ყოფილიყო. ამიტომაც ჩემი შემოქმედების პერიოდები განსხვავებულია ერთმანეთისგან...,"- ასე ახასიათებს კახაბერ ტატიშვილი თავის შემოქმედებას.

წყარო: ხელოვნების მუზეუმის ახალი კოლექცია, 2021-2022 = New collection of the Museum of Fine Arts / რედაქტორ-შემდგენელი ალექსანდრა გაბუნია. -თბ., 2022.- გვ. 184-185; ახალი და უახლესი ქართული ვიზუალური ხელოვნების პორტალი: art.gov.ge