თეონა ღლონტი

დაბადების ადგილი: ქ. თბილისი.

1992 წელს ჩაირიცხა დაამთავრა თბილისის სახელმწიფო სამხატვრო აკადემიის დაზგური გრაფიკის ფაკულტეტი 1997 წელს.

გამორჩეულია მის მიერ დასურათებული იაკობ გოგებაშვილისეული "დედაენა", ამზადებს თოჯინებს,  მუშაობს პედაგოგად ათონელის  ქუჩაზე მდებარე სამხატვრო სასწავლებელში; ხატავს ნატურმორტებს, გრაფიკულ პეიზაჟებს, ქმნის დაზგურ კომპოზიციებს, მუშაობს გრავიურაში, ლითოგრაფიაში, ლინოგრავიურასა და ოფორტში; დაასურათა წიგნები: ნოდარ დუმბაძის მოთხრობა "ბოშები", ქართული ხალხური ზღაპარი "მძლეთამძლე", საბავშვო ჟურნალ "ნაკადულში" გამოცემული სპარსული ზღაპრები; ასევე დასურათებული აქვს "ციცინათელას" სერიის ზღაპრები, მწერლისა და პოეტის თამარ გაბროშვილის ზღაპრები; 1997 წლიდან მონაწილეობს მხატვართა კავშირის მიერ მოწყობილ ჯგუფურ გამოფენებში: "საბავშვო წიგნის გაფორმება და ილუსტრაცია" (ეროვნული ბიბლიოთეკა, 1997), საშემოდგომო (სეგ, თბილისი, 1997); აფორმებს მინის ჭურჭელს ვიტრაჟული საღებავებით; დაზგურ გრაფიკაში სხვადასხვა წელს შესრულებული მისი ძირითადი ნამუშევრებია: ლითოგრაფიების სერია "ბოროტსა სძლია კეთილმან!", სერია "ზღვის სიმფონია", "წელიწადის დრონი", "სამყაროს ცვალებადობა", "ბათუმის პეიზაჟები", ლინოგრავიურები: "ქალი და კაქტუსი", "ყავახანა", "აზიური ნატურმორტი", "წარსულის გადავიწყება"; შერეული ტექნიკით შესრულებული კომპოზიციებია: "თევზები" გრაფიკული სერია "ლაგუნა", "ყაყაჩოსა სიწითლითა", "ქალი ბროწეულებით", "იდუმალი ქალის პორტერტი" და სხვა.

წყარო : მედიაჰოლდინგი "კვირა":  kvira.ge

• საქართველოს მხატვართა კავშირი, წევრი (2000-)