მურმან ჯოჯუა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი სპეციალობით "ელექტრული ქსელები და სისტემები" 1978 წელს.

1978 წლიდან გარდაცვალებამდე მუშაობდა ტრესტ "კავკაზელექტრქსელმშენის" მე-8 მექანიზებულ კოლონაში (ამჟამად შპს "კავკასიონი") ოსტატად, სამუშაოთა მწარმოებლად, უბნის უფროსად, ტექნიკური განყოფილების უფროსად, მთავარ ინჟინრად; 2003-2008წწ. მუშაობდა შპს "ენერგოტრანსის" მთავარ ინჟინრად; 1986-1990წწ. ტრესტ "კავკაზელექტრქსელმშენიდან" სამუშაოდ მივლინებული იყო სირიაში მაღალი ძაბვის ელექტროგადამცემი ხაზების მშენებლობაზე მთავარ კონსულტანტად; მისი უშუალო მონაწილეობით აშენებულია მრავალი 110, 220, 330, 500, 750 კვ ელექტროგადამცემი ხაზები, როგორც საქართველოში, ისე ყოფილი საბჭოთა კავშირის რესპუბლიკებში: რუსეთში, უკრაინაში, ბელორუსიაში, აზერბაიჯანში, სომხეთსა და სხვა რესპუბლიკებში. მონაწილეობა აქვს მიღებული 500 კვ ელექტროგადამცემი ხაზის "კავკასიონის" მშენებლობაში კარაჩაევო-ჩერქეზეთის, სტავროპოლის და კრასნოდარის მხარეში.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.458