
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ბექა ქანთარია

Date of birth:	25 June, 1981 (43 years)
Category:	Lawyer, Scientist, Educator

Biography

დაბადების ადგილი: სოფელი ჯვარი, წალენჯიხის მუნიციპალიტეტი.

ქართველი იურისტი, სამართლის დოქტორი, კონსტიტუციოლოგი. ავტორი სამეცნიერო ნაშრომებისა, მათ შორის 5 მონოგრაფიის და ერთი სახელმძღვანელოსი საკონსტიტუციო სამართალში. არის საქართველოს კონსტიტუციის კომენტარების თანაავტორი (GTZ, 2013). საქართველოს იუსტიციის სამინისტროს ორენოვანი სამეცნიერო ჟურნალის, "იუსტიციის" გამოცემათა გამწესრიგებელი. სამეცნიერო და პედაგოგიურ საქმიანობას ეწევა კავკასიის საერთაშორისო უნივერსიტეტში.

1999-2004 წლებში სწავლობდა თბილისის სახელმწიფო უნივერსიტეტის სოხუმის ფილიალის იურიდიულ ფაკულტეტზე, სამართალმცოდნეობის სპეციალობით; 2005-2006 წლებში კი თბილისის სახელმწიფო უნივერსიტეტის ასპირანტურაში; 2006-2012 წლებში თბილისის სახელმწიფო უნივერსიტეტის დოქტორანტურაზე; 2012 წელს დაიცვა სადოქტორო დისერტაცია თემაზე: "დასავლური კონსტიტუციონალიზმის პრინციპები და მმართველობის ფორმის სამართლებრივი ბუნება პირველ ქართულ კონსტიტუციაში".

2019-2022 წლებში აკადემიკოს მინდია უგრეხელიძესთან ერთად გამოსცა "კონსტიტუციონალიზმის ტრილოგია", რომელიც ქართული სამართლის ისტორიაში პირველი ფუნდამენტური შრომებია კონსტიტუციონალიზმის დარგში.

2022 წელს ბექა ქანთარიას კონსტიტუციონალიზმის განვითარებაში შეტანილი განსაკუთრებული წვლილისათვის გადაეცა კავკასიის საერთაშორისო უნივერსიტეტის სამეცნიერო პრემია "თამარი". 2022 წელს მისი ავტორობით გამოიცა წიგნი: "Liber Amicorum - მინდია უგრეხელიძე 80", რომელიც საფუძველს უყრის ახალ მიმართულებას სამართალმცოდნეობაში - "სამართლის პერსონოლოგიას".

პროფესიული საქმიანობა

2003-2004 წლებში ბექა ქანთარია იყო საქართველოს უზენაესი სასამართლოს კონსულტანტი; 2005 წლიდან დღემდე ლექციებს კითხულობს საქართველოს უმაღლეს სასწავლებლებში; არის კავკასიის საერთაშორისო უნივერსიტეტის პროფესორი და ამავე უნივერსიტეტის კონსტიტუციური დემოკრატიის სამეცნიერო-კვლევითი ინსტიტუტის დირექტორი; 2021 წლიდან არის საქართველოს იუსტიციის სამინისტროს მრჩეველთა საბჭოს წევრი, საკონსტიტუციო სამართლის მსოფლიო ასოციაციის წევრი (IACL), ევროპის აკადემიური ცენტრის დამფუძნებელი და გენერალური დირექტორი, საერთაშორისო სამეცნიერო ჟურნალის "სამართლის მაცნეს" სარედაქციო კოლეგიის წვერი. იყო საქართველოს პრეზიდენტის სტიპენდიანტი (ორგზის, 2004, 2005), ილია ჭავჭავაძის სახელობის სტიპენდიანტი (რუსთაველის სამეცნიერო ფონდი, 2008), KAAD სტიპენდიანტი (მაქს-პლანკის საერთაშორისო საჯარო სამართლის ინსტიტუტი. ჰაიდელბერგი გერმანია, 2015), DAAD სტიპენდიანტი (ორგზის, იენის უნივერსიტეტი, გერმანია, 2016, 2021), მაქს პლანკის ევროპული სამართლის ისტორიის ინსტიტუტის სტიპენდიანტი (ფრანკფურტი, გერმანია, 2017); მიღებული აქვს კავკასიის საერთაშორისო უნივერსიტეტის სამეცნიერო პრემია "თამარი" (2022), საქართველოს მეცნიერებათა ეროვნული აკადემიის საპატიო სიგელი სამართალმცოდნეობის დარგში მიღწევებისთვის.

Bibliography

LIBER AMICORUM : მინდია უგრეხელიძე 80 = Mindia Ugrekhelidze 80 : ცდა სამართლის პერსონოლოგიის შემოღებისა = Introducing the Personology of Law / მასალები მოიძია, რედაქციულად დაამუშავა და გამოსაცემად მოამზადა ბექა ქანთარიამ (Editor). - თბილისი, უნივერსალი, 2022. - 948გვ.. - ISBN: 9789941332876
საქართველოს 1995 წლის კონსტიტუცია : ქმნადობის მისადგომებთან : საქართველოს კონსტიტუციის პროექტები (1993-1995) = Constitution of Georgia 1995: approaching its development : Draft constitutions of Georgia (1993-1995) / ტექსტები მოიძიეს, რედაქციულად დაამუშავეს და გამოსაცემად მოამზადეს მინდია უგრეხელიძემ და ბექა ქანთარიამ (Editor). - თბილისი, უნივერსალი, 2022. - 440გვ.. - ISBN: 9789941333927
პირველი ქართული კონსტიტუციის 100 წელი = Centenary of the First Georgian Constitution / მინდია უგრეხელიძე, ბექა ქანთარია (Co-Author) // კონსტიტუციონალიზმი როგორც ცივილიზაციის მონაპოვარი / ბექა ქანთარია.-გვ.583-608. - თბილისი, უნივერსალი, 2021. - 612გვ.. - ISBN: 9789941269981
საკონსტიტუციო იდეები და პროცესები ქართულ პუბლიცისტიკაში (1990-1995) : ბრძოლა კონსტიტუციური დემოკრატიისათვის : კრებული / პროექტის ავტორი და ხელმძღვანელი ბექა ქანთარია (Editor). - თბილისი, უნივერსალი, 2020. - 1000გვ.. - ISBN: 9789941267802
კონსტიტუციონალიზმი : მიღწევები და გამოწვევები = Constitutionalism : Achievements and challenges / კავკასიის საერთაშორისო უნივერსიტეტი ; სამეცნიერო რედაქტორები და გამომცემლები: მინდია უგრეხელიძე და ბექა ქანთარია (Editor). - თბილისი, უნივერსალი, 2019. - 742გვ.. - ISBN: 9789941266270
დამოუკიდებლობიდან თავისუფლებისაკენ : რესპუბლიკის 100 წელი : 26 ესე (Author) // თანამედროვე ქართული სახელმწიფო, როგორც საქართველოს პირველი რესპუბლიკის სამართალმემკვიდრე : წარსული და თანამედროვე გამოწვევები.-გვ.181-195. - თბილისი, 2018. - 252გვ.
საქართველოს დემოკრატიული რესპუბლიკა (1918-1921) : ენციკლოპედია-ლექსიკონი (Compiler). - თბილისი, თბილ. უნ-ტის გამ-ბა, 2018. - 554გვ.. - ISBN: 9789941137181
კონსტიტუციონალიზმის ფუნდამენტური პრინციპები და მმართველობის ფორმის სამართლებრივი ბუნება პირველ ქართულ კონსტიტუციაში : მონოგრაფია (Author). - თბილისი, სამართალი, 2013. - 530გვ.. - ISBN: 9789941915789
მმართველობის ფორმის დასავლური სისტემები და მათი გავლენა საქართველოს პირველ კონსტიტუციაზე (Author). - თბილისი, 2011. - 41გვ.
კლიმენტი შელია-აუდიტორიის ღმერთი (Author). - თბილისი, აფხაზეთის ა/რ მეცნ. აკად., 2005. - 236გვ.. - ISBN: 9994002198
საქართველოს უზენაესი სასამართლოს სათავეებთან (1919-1921) (Author). - თბილისი, მოლოდინი, 2004. - 68გვ.. - ISBN: 9992808829
შეხვედრები გერმანიაში = Die Begegnungen in Deutschland (Author). - თბილისი, მოლოდინი, 2004. - 197გვ.. - ISBN: 9994001302
კონსტანტინე მიქელაძის პოლიტიკური და იურიდიული შეხედულებანი (Author). - თბილისი, პოლიტიკა, 2003. - 432გვ.
გზა სამართლებრივი სახელმწიფოსაკენ (Author). - თბილისი, სამართალი, 2002. - 380გვ.