შოთა ეფრემიძე

დაბადების ადგილი: ქ. ცხინვალი.

დაამთავრა მოსკოვის ენერგეტიკული ინსტიტუტი და ჟუკოვსკის სახელობის სამხედრო აკადემიის კურსები 1941 წელს.

1941 წლის ნოემბერში გაიწვიეს არმიაში; იბრძოდა სამხრეთ-დასავლეთის ფრონტზე; იყო ჯერ პოლკის, შემდეგ კი დივიზიის უფროსი ინჟინერი, უფროსი ლეიტენანტის წოდებით; ომის დამთავრების შემდეგ 1945-1946წწ. მუშაობდა მასწავლებლად თბილისის საავიაციო ტექნიკუმში; 1947-1955წწ. საქართველოს სასოფლო-სამეურნეო ინსტიტუტში; 1955-1957წწ. მოსკოვში საკავშირო სოფლის მეურნეობის ელექტრიფიკაციის ინსტიტუტში; 1957-1959წწ. ჩაისა და სუბტროპიკული მანქანების საკონსტრუქტორო-საპროექტო ინსტიტუტში. 1959-1985წწ. (პენსიაზე გასვლამდე) საქართველოს სოფლის მეურნეობის მექანიზაციისა და ელექტრიფიკაციის სამეცნიერო-კვლევით ინსტიტუტში ლაბორატორიის ხელმძღვანელად. მან შექმნა გადიდებულ ელექტრო სიხშირეზე მომუშავე ცხვრის ელექტრო საპარსი მანქანა. გამოქვეყნებული აქეს რამდენიმე საავტორო გამოგონება. ზემაღალი სიჩქარის, მცირე სიმძლავრის ელექტრო ძრავის ავტორი.

წყარო: ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 40

• სამამულო ომის I ხარისხის ორდენი