ზაზა შეყილაძე

დაბადების ადგილი: სოფელი ბალღოჯიანი, ყვარლის რაიონი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი ფინანსებისა და კრედიტის სპეციალობით 1985 წელს; ამავე უნივერსიტეტის ასპირანტურა მაკროეკონომიკის მიმართულებით.  

1988-1991წწ. იყო საქართველოს მეცნიერებათა აკადემიის ეკონომიკის და სამართლის ინსტიტუტის მეცნიერ-თანამშრომელი; 1991-1994წწ. ეკავა ხელმძღვანელი თანამდებობები ყვარლის რაიონის გამგეობაში (პრეფექტის მოადგილე, გამგეობის თავმჯდომარის მოადგილე); 1994-1996წწ. იყო სს "აგრომრეწვბანკის" ყვარლის განყოფილების მმართველი; 1996-2000წწ. სს "გაერთიანებული ქართული ბანკის" გურჯაანის რეგიონალურ ფილიალს ხელმძღვანელობდა; 2002-2008წწ. მას სახელმწიფო აუდიტის სამსახურში (კონტროლის პალატაში) მთავარი კონტროლიორის თანამდებობა ეკავა; 2008-2014წწ. საქმიანობდა საქართველოს ფინანსთა სამინისტროს შემოსავლების სამსახურში, სადაც სხვადასხვა სტრუქტურულ ერთეულს ხელმძღვანელობდა; აქვს საბანკო სექტორში მუშაობის გამოცდილება; 2014-2023წწ. სახელმწიფო აუდიტის სამსახურში ხელმძღვანელობდა სოციალური სფეროს აუდიტის დეპარტამენტს; 2023 წლის 11 აპრილიდან არის საქართველოს გენერალური აუდიტორის მოადგილე.

წყარო: ახალი ამბები ბიზბესში: bm.ge; საჯარო აუდიტის ინსტიტუტი: sai.ge