ნელი ხაჟომია

დაბადების ადგილი: ქ. თბილისი.

დაამთავრა თბილისის ვ. ჭაბუკიანის სახ. სახელმწიფო ქორეოგრაფიულ სასწავლებელი 1965 წელს.

სასწავლებლის დამთავრების შემდეგ მოცეკვავე - მსახიობად ჩაირიცხა თბილისის ზ. ფალიაშვილის სახ. ოპერისა და ბალეტის სახელმწიფო აკადემიური თეატრის კორდებალეტში. 1967 წლიდან ნ. ხაჟომია საქართველოს ხალხური ცეკვის სახელმწიფო აკადემიური ანსამბლის მოცეკვავე - მსახიობი ხდება. ნინო რამიშვილისა და ილიკო სუხიშვილის ხელმძღვანელობით იგი სრულყოფილად დაეუფლა ქართული ხალხური ცეკვის ხელოვნებას და ანსამბლის წამყვანი სოლისტი გახდა. მის მიერ შესრულებული სოლო პარტიებიდან განსაკუთრებით გამოირჩეოდა: "ქართული", "დავლური", "სამაია", "აჭარული", "ხაბარდა" და სხვა, სადაც ავლენდა ქართველი ქალისთვის დამახასიათებელ კდემამოსილებასა და დახვეწილ პროფესიონალიზმს ცეკვის შესრულებისას. 1982-2002 წლებში, ნელი ხაჟომია მეუღლესთან, შალვა ყურაშვილთან ერთად, თბილისი სახელმწიფო უნივერსიტეტის ქორეოგრაფიულ ანსამბლს ხელმძღვანელობდა. ქართველი ქორეოგრაფი.

წყარო: 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.64