ნიკიფორე კულეში

დაბადების ადგილი: ქ. თბილისი.

სპეციალური განათლება არ მიუღია. მუშაობდა სცენოგრაფიისა და პეიზაჟის დარგში. XX ს. დასაწყისში თბილისში დამკვიდრდა. გაფორმებული აქვს შემდეგი სპექტაკლები: "ეგორ ბულიჩევი და სხვები" (გრიბოედოვის სახ. რუს. თეატრი, 1933); "რახილი" (ოპერისა და ბალეტის თეატრი, 1936, ი. ფარაჯანოვთან ერთად); "აჯილდა", "ცხოვრება გვიკარნახებს", "ოქროს ვერძი" (სანკულტურის თეატრი, 1937–1938; გ. გოცირიძესთან ერთად); "პატიოსნებისათვის" (სომხეთის დრამის თეატრი, 1939) და სხვ. სავარაუდოდ ის თბილისის ოპერის თეატრში იმ წლებში მოღვაწეობდა, როდესაც თეატრის სცენაზე დადგეს პირველი ქართული ოპერა (XX ს. 10–20-იანი წწ. მიჯნა). ამავე წლებში მან დაიწყო საგანგებო პავილიონის მშენებლობა (კ. ფოცხვერაშვილთან ერთად), რათა გამოეფინა 1914 შეძენილი ცნობილი სურათი-პანორამის, ე. წ. პიგლჰეინის "გოლგოთის" საავტორო ასლი. მშენებლობა შეაჩერა საბჭოთა ხელისუფლებამ. მისი ნამუშევრები დაცულია საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმსა და კერძო კოლექციაში.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge