თეოდორ ჰორშტელი

დაბადების ადგილი: ქ. მიუნხენი, გერმანია.

1846 წლიდან სწავლობდა მიუნხენის სამხატვრო აკადემიაში. 1850-იან წლებში თეოდორ ჰორშტელმა იმოგზაურა ესპანეთსა და ალჟირში, იქ შექმნილი ესკიზებით მან მოგვიანებით შექმნა ფერწერული ტილოები, რომელთა გაყიდვის შემდეგ, 1858 წელს კავკასიაში გაემგზავრა. თეოდორ ჰორშელტი 1858-1860 წლებში მონაწილეობდა რუსეთის იმპერიის სამხედრო ექსპედიციაში კავკასიელი ხალხების წინააღმდეგ. იგი დაესწრო შამილის ტყვედ აყვანას. კავკასიაში ყოფნის დროს ხშირად ჩადიოდა და ცხოვრობდა თბილისში. მან კავკასიაში 1860-იან წლებში მიმდინარე საომარი მოქმედებების თემაზე მრავალი ნამუშევარი შექმნა. ამასთანავე კახეთში, სამეგრელოში, იმერეთში, აფხაზეთში, თუშეთსა და ხევსურეთში მოგზაურობისას შეასრულა გრაფიკულ ნამუშევართა ციკლი საქართველოს სხვადასხვა კუთხის ყოფისა და ტიპაჟების გამოსახულებებით.

წყარო: გერმანელი მხატვრები და ქართული კულტურა / ნინო ჭოღოშვილი. ძველი ხელოვნება დღეს = Ancient art today / საქართველოს კულტურული მემკვიდრეობის დაცვის ეროვნული სააგენტო; საქართველოს კულტურისა და ძეგლთა დაცვის სამინისტრო.-თბ., 2017.-N8.-გვ.20-33; XIX-XX საუკუნეების გერმანელი მხატვრები საქართველოში = Deutsche Maler des 19. und 20. Jahrhunderts in Georgien : საქართველოს ეროვნ. მუზეუმის კოლექცია : გამოფენის კატალოგი.-თბ.,2011.-გვ.36-41