ლეჟო ლასარეიშვილი

დაბადების ადგილი: სოფელი ქოლობანი, ახლანდელი აბაშის მუნიციპალიტეტი.

დაამთავრა საქართველოს სასოფლო-სამეურნეო ინსტიტუტის სუბტროპიკული მეურნეობის ფაკულტეტი 1949 წელს.

1950–1953წწ. იყო გაგრის, ჩაქვისა და ხეთის მეურნეობების, 1957–1958წწ. საქართველოს სოფლის მეურნეობის სამინისტროს მეხილეობის სამმართველოს მთავარი აგრონომი; 1958–1961წწ. საქართველოს სოფლის მეურნეობის მეცნიერებათა აკადემიის მრავალწლოვანი კულტურების განყოფილების სწავლული მდივანი; 1961–2004წწ. მებაღეობის, მევენახეობისა და მეღვინეობის სამეცნიერო- კვლევითი ინსტიტუტის კაკლოვანი და მშრალი სუბტროპიკული კულტურების განყოფილების უფროსი. მან შეისწავლა მარწყვის, კაკლის, თხილისა და ბროწეულის კულტურათა ბიოლოგიური და სამეურნეო თავისებურებანი საქართველოს სხვადასხვა რეგიონში, დაამუშავა კოლხეთის დამშრალ მიწებზე თხილის გაშენებისა და მოვლის აგროტექნიკის საკითხები. ავტორია სამეცნიერო ნაშრომებისა და მონოგრაფიეების. მიღებული აქვს სახელმწიფო ჯილდოები. აგრონომი, სოფლის მეურნეობის მეცნიერებათა დოქტორი (1979), პროფესორი (1991).

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.295

• საქართველოს სოფლის მეურნეობის მეცნიერებათა აკადემია, წევრ-კორესპონდენტი (1994-)

• 1990 - საქართველოს მეცნიერებათა დამსახურებული მოღვაწე
• 1971 - საქართველოს დამსახურებული აგრონომი

• საქართველოს კაკლოვანი კულტურები = Georgian nuts : (კაკალი, თხილი, ნუში) : ჯიშები (თანაავტორი). - თბილისი, 2004. - 67გვ.
• ზეთისხილის კულტურა (თანაავტორი). - თბილისი, 1995. - 39გვ.
• ჩინური აქტინიდია (კივი) (თანაავტორი). - თბილისი, 1995. - 9გვ.
• თავისუფალი ამინომჟავების მნიშვნელობა კაკლის ნამყენი ნერგის წარმოებისათვის (თანაავტორი). - თბილისი, 1986. - 4გვ.
• ბროწეული (ავტორი). - თბილისი, საბჭოთა საქართველო, 1982. - 138გვ.
• კაკლის ვეგეტატიური გამრავლება აღმოსავლეთ საქართველოს პირობებში (თანაავტორი). - თბილისი, 1973. - 8გვ.