ირაკლი მინაშვილი

დაამთავრა საქართველოს ტექნიკური უნივერსიტეტი სამართლის მაგისტრის კვალიფიკაციით 2014 წელს; ჩააბარა საარჩევნო ადმინისტრაციის მოხელის საკვალიფიკაციო გამოცდა (2010); ადვოკატთა საკვალიფიკაციო გამოცდა (2011); გაიარა შესაბამისი კურსი და მიენიჭა ტრენერთა ტრენერის სტატუსი არასრულწლოვანთა მართლმსაჯულებაში (2015); შესაბამისი კურსი და მიენიჭა არასრულწლოვანთა მართლმსაჯულებაში სპეციალიზებული პროკურორის სტატუსი (2015).

სამუშაო გამოცდილება: 2011-2012წწ. იყო ოზურგეთის რაიონული პროკურატურის სტაჟიორ-პროკურორი; 2012 წელს ქუთაისის რაიონული პროკურატურის სტაჟიორ-პროკურორი; 2013-2015წწ. სიღნაღის რაიონული პროკურატურის პროკურორი; 2015-2018წწ. თბილისის ვაკე-საბურთალოს რაიონული პროკურატურის პროკურორი; 2018-2024წწ. საქართველოს გენერალური პროკურატურის საპროკურორო საქმიანობაზე ზედამხედველობის და სტრატეგიული განვითარების დეპარტამენტის ანალიტიკური სამმართველოს პროკურორი; 2024-2025წწ. საქართველოს გენერალური პროკურატურის სახელმწიფო უსაფრთხოების სამსახურში, სახელმწიფო დაცვის სპეციალურ სამსახურში, დაზვერვის სამსახურში, თავდაცვის სამინისტროსა და შინაგან საქმეთა სამინისტროს სახელმწიფო საქვეუწყებო დაწესებულება - საქართველოს სასაზღვრო პოლიციაში გამოძიების საპროცესო ხელმძღვანელობისა და ოპერატიულ-სამძებრო საქმიანობაზე ზედამხედველობის დეპარტამენტის პროკურორი; პედაგოგიურ-საგანმანათლებლო საქმიანობა: 2015-2017წწ. იყო მიწვეული ლექტორი საქართველოს ტექნიკურ უნივერსიტეტში; 2017-2024წწ. ასისტენტი საქართველოს ტექნიკური უნივერსიტეტში; 2018-2025წწ. ტრენერი საქართველოს გენერალური პროკურატურის სასწავლო ცენტრში; 2025 წელს მიწვეული ლექტორი საქართველოს საერთაშორისო უნივერსიტეტში - GIU; 2025 წელს ასისტენტ-პროფესორი საქართველოს ტექნიკურ უნივერსიტეტში; 2024-2025წწ. მიწვეული ლექტორი შავი ზღვის საერთაშორისო უნივერსიტეტში - IBSU; არაერთი სამეცნიერო სტატიის ავტორი, არის საქართველოს გენერალური პროკურატურის და ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის კრიმინოლოგიის სამეცნიერო-კვლევითი ინსტიტუტის, სამეცნიერო-პრაქტიკული ჟურნალის "საპროკურორი საქმიანობა და დანაშაულის პრევენცია" N1 (თსუ გამომცემლობა, 2022, ISSN2960-995X) და იმავე ჟურნალის სპეციალური N3 გამოშვების "ქალების მართლმსაჯულებისადმი ხელმისაწვდომობა" (თსუ გამომცემლობა, 2025, ISSN2960-995X) რედაქტორი. მიღებული აქვს იუსტიციის მრჩეველის წოდება.

წყარო: საქართველოს ტექნიკური უნივერსიტეტი: my.gtu.ge; სტუ-ს სამართლისა და საერთაშორისო ურთიერთობების ფაკულტეტი: law.gtu.ge

• სატრანსპორტო სამართალი (თანაავტორი). - თბილისი, მერიდიანი, 2023. - ISBN: 978-9941-34-225-7
• საგამოძიებო / საპროცესო მოქმედებების სახელმძღვანელო (რედაქტორი). - თბილისი, 2023. - 596გვ.
• სტატისტიკური მიზნებისათვის დანაშაულის საერთაშორისო კლასიფიკაციებთან საქართველოს სისხლის სამართლის კოდექსით გათვალისწინებული დანაშაულების შესაბამისობა : სახელმძღვანელო (თანაავტორი). - თბილისი, მერიდიანი, 2021. - 608გვ.. - ISBN: 9789941259135
• მტკიცებითი სამართალი : სახელმძღვ. (თანაავტორი). - თბილისი, მერიდიანი, 2020. - ISBN: 978-9941-25-815-2
• ციფრული დანაშაულის გამოძიების ტექნიკა და მეთოდიკა (ავტორი). - თბილისი, მერიდიანი, 2019. - 232გვ.. - ISBN: 9789941257001
• არასრულწლოვანთა მართლმსაჯულების კოდექსის კომენტარი (ავტორი). - თბილისი, იურისტების სამყარო, 2017