თინათინ ცაგარეიშვილი-ჭავჭავაძე

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი 1949 წელს.

1949-1952 წლებში გაიარა ასპირანტურის კურსი აკადემიკოს გიორგი ახვლედიანისა და ლენინგრადელი პროფესორების - ა. ფრეიმანისა და ა. ბარანიკოვის ხელმძღვანელობით; 1957-1960 წლებში მუშაობდა საქართველოს მეცნიერებათა აკადემიის ენათმეცნიერების ინსტიტუტში; 1960 წლიდან იყო აკადემიკოს გიორგი წერეთლის სახელობის აღმოსავლეთმცოდნეობის ინსტიტუტის წამყვანი მეცნიერი-თანამშრომელი, 1995 წლიდან აზია-აფრიკის ინსტიტუტის ლექტორი, პროფესორი. იგი აქტიურად თანამშრომლობდა ლენინგრადისა და მოსკოვის ლომონოსოვის სახელობის უნივერსიტეტის მეცნიერებთან; თინათინ ცაგარეიშვილი–ჭავჭავაძის მნიშვნელოვანი სამეცნიერო ნაშრომებია: "სატირა ფირდოუსის შემოქმედებაში", "სახელთა თხზვა ახალ სპარსულ ენაში" (მონოგრაფია), "იური მარის სპარსულ-რუსული ლექსიკონის მასალები" (ვრცელი გამოკვლევითა და მასალებით), კალიდასას "მეგჰა-დუტას გამოკვლევა და კომენტარები" (პოემის სანსკრიტულ-ქართული ლექსიკონი).

საკანდიდატო დისერტაციის თემა - "ტატჰურუშა (ლიტერატურული კომპოზიტები) ინდურ-ირანულ ენებში", დაიცვა 1954; სადოქტორო დისერტაციის თემა - "სახელთა თხზვა ახალ სპარსულ ენაში", დაიცვა 1986 წელს (მოსკოვი). ნიკო ჭავჭავაძის მეუღლე, საქართველოს ეროვნული გმირის ზურაბ ჭავჭავაძის დედა. აღმოსავლეთმცოდნე, ირანისტი.

წყარო: Scientist Women – მეცნიერი ქალი: geowomen.wordpress.com

• ინდური ზღაპრები (მთარგმნელი). - თბილისი, პალიტრა L, 2020. - 248გვ.
• ოქროს მიწა : მსოფლიოს ზღაპრები : კრებული (მთარგმნელი). - თბილისი, ციცინათელა, 2004. - 240გვ.
• ღრუბელი-მაცნე ; მეგჰა-დუტა : პოემა (მთარგმნელი). - თბილისი, მეცნიერება, 1977. - 132გვ.
• ბირმული ზღაპრები (მთარგმნელი). - თბილისი, ნაკადული, 1977. - 215გვ.