შალვა აფციაური

დაბადების ადგილი: სოფელი ღვევი, თეთრი წყაროს რაიონი.

დაამთავრა საქართველოს სასოფლო-სამეურნეო ინსტიტუტის, სატყეო-სამეურნეო ფაკულტეტი 1944 წელს.

მუშაობდა საქართველოს სსრ მეცნიერებათა აკადემიის ტყის ინსტიტუტის ტყის კულტურების განყოფილების ლაბორანტად; ამიერკავკასიის ტყეპროექტში ტაქსატორად; სხვადასხვა დროს ირჩევენ საქართველოს სასოფლო-სამეურნეო ინსტიტუტის ალკკ კომიტეტის მდივნად, საქართველოს კპ თბილისის საქალაქო კომიტეტის სოფლის მეურნეობის განყოფილების ინსტრუქტორად; მონაწილეობა მიიღო ყაზახეთში ყამირი მიწების ათვისებაში; იყო ბრიგადირი; ხელმძღვანელობდა სტუდენტთა რაზმს; გამოქვეყნებული აქვს 80-მდე სამეცნიერო-კვლევითი შრომა. მათ შორის ოთხი სახელმძღვანელო და სამი დამხმარე სახელმძღვანელო; შექმნილი აქვს საკუთრივ და თანაავტორებთან საქართველოს ძირითადი ტყის სახეობების მოცულობითი და სასორტიმენტო ცხრილები. ასპირანტი, დოცენტი, პროფესორი, დეკანი, კათედრის გამგე. დაჯილდოვებული იყო მრავალი მედლით.

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.11; ეროვნული სატყეო სააგენტო: facebook.com

• სასოფლო-სამეურნეო ინსტიტუტის სამეცნიერო საბჭო, წევრი
• სატყეო მრეწველობის სამეცნიერო-ტექნიკური საზოგადოების სარევიზიო კომისია, თავმჯდომარე
• სსრ სატყეო მეურნეობის სამინისტროს სამეცნიერო-ტექნიკური საბჭო, წევრი
• ჩოხოსანთა უხუცესთა საბჭო, წევრი

• ღირსების მედალი
• ღირსების ორდენი
• საქართველოს რესპუბლიკის საპატიო მონადირე
• საქართველოს დამსახურებული პედაგოგი
• საქართველოს დამსახურებული მეტყევე

• სატყეო ტაქსაცია (ავტორი). - თბილისი, განათლება, 1968. - 237გვ.
• სატყეო ტაქსაციის პრაქტიკუმი (ავტორი). - თბილისი, საზოგადოება ცოდნა, 1964. - 157გვ.