ტარიელ ბახსოლიანი

დაამთავრა საქართველოს შრომის წითელი დროშის ორდენის სასოფლო-სამეურნეო ინსტიტუტის სატყეო-სამეურნეო ფაკულტეტი 1949 წელს.

1949-1957წწ. მუშაობდა ამიერკავკასიის ტყეთმოწყობის საწარმოში ინჟინერ-ტაქსატორად; ტყეთმოწყობის პარტიის უფროსად; 1960-1970წწ. თბილისის სატყეო ინსტიტუტში უფროს მეცნიერ მუშაკად; გორის საცდელ-საჩვენებელი სატყეო მეურნეობის დირექტორად; 1973-2000წწ. საქართველოს სსრ საგეგმო კომიტეტის და შემდეგ საქართველოს რესპუბლიკის ეკონომიკის სამინისტროს მთავარ მეტყევე ინჟინრად; 1997 წლიდან საქართველოს მეცნიერებათა აკადემიის ვასილ გულისაშვილის სახელობის სამთო მეტყევეობის მეცნიერ კონსულტანტის თანამდებობაზე. გამოქვეყნებული აქვს მრავალი სამეცნიერო ნაშრომი, მათ შორის ორი მონოგრაფია.

საკანდიდატო დისერტაციის თემა - "ნაძვის ზეობის ტყის ტიპები, როგორც ტყის მეურნეობის ორგანიზაციის საფუძველი მთიან პირობებში", დაიცვა 1963 წელს.

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.15