ანდრია გამრეკელი

დაამთავრა პეტერბურგის სატყეო ტექნიკური აკადემია სატყეო კორპუსის პორუჩიკის ჩინით 1865 წელს.

აკადემიის დამთავრებისთანავე გაგზავნილ იყო ტვერის გუბერნიაში სამუშაოდ; მივლინების ვადის გასვლამდე გადაყვანილ იქნა ამიერკავკასიაში ტყეთმოწყობის სამუშაოთა საწარმოებლად; შემდეგ ინიშნება ტყის მომწყობად კავკასიაში; 1870 წელს მისი უშუალო ხელმძღვანელობით ჩამოყალიბდა "შავი ზღვის პირეთის ოკრუგის სატყეო ნაწილი"; 1873-1874 წლებში იყო თბილისის გუბერნიის და სატყეო ნაწილის მმართველი, ხოლო შემდეგ ამავე გუბერნიის სახელმწიფო ქონებათა სამმართველოს უფროსი; 1878 წელს მისი უშუალო მონაწილეობით განმეორებით მოეწყო მიხეილ რომანოვის საუფლიწულო მამულის, ბორჯომის ხეობის ტყეები; მის მიერ მომზადებული და გამოცემული იქნა კაპიტალური შრომა "კავკასიის ხეები და ბუჩქები"; 1886-1894წწ. მუშაობდა ქუთაისის გუბერნიაში სახელმწიფო ქონებათა მმართველად, იგი ხშირად ასრულებდა გუბერნატორის მოვალეობას; 1889 წელს ჩამოაყალიბა ქუთაისის ტყის დაცვის კომიტეტი; 30 წლიანი მუშაობის პერიოდში მან განვლო გზა "ლესნიჩობიდან, დეისტვიტელნი სტატსკი სოვეტნიკამდე"; აქტიურ მონაწილეობას ღებულობდა ყრილობებში, გამოფენების მოწყობაში, სამეცნიერო საზოგადოებების საკრებულოებში, მუზეუმების გამართვაში და ა.შ.; მან დიდი შრომა გასწია კავკასიის დენდროლოგიური კოლექციის შექმნისასა, შეადგინა ტყეების და ტყის შემქმნელი ჯიშების გავრცელების რუკები; ა. გამრეკელს დაევალა ხელმძღვანელობა გაეწია ტყეთმოწყობის სამუშაოებისთვის ამიერკავკასიის იმ "ტყის აგარეაკებში", რომლებიც შედარებით მდიდარი იყო ბზის კორომებით; მაშინ ბზის კორომების ტყეთმოწყობას თითქმის არ იცნობდა მსოფლიო პრაქტიკა, ამიტომ ა. გამრეკელს პირველს მოუხდა ტყეთმოწყობისა და სატყეო ტაქსაციის ახალი მეთოდების დამუშვება; მან შექმნა და გამოაქვეყნა მონოგრაფია: "ბზა, ანუ კავკასიური პალმა" (სანტ-პეტერბურგი, 1891). თბილისის გუბერნიისა და ზაქათალის ოლქის სახელმწიფო ქონებათა გამგე, მეტყევე.

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.21; ანდრია სიმონის ძე გამრეკელი // ივერია. - 1897.-30 მაისი. - N104. - გვ.1; იგი მთაწმინდაზე განისვენებს... : საქართველოს ტყისა და ბუნების დიდი მკვლევარი ანდრია გამრეკელი / ანდრო კაპანაძე // საქართველოს ბუნება.-თბილისი,1992. - N2. - გვ.42-43

• წმინდა ვლადიმირის II ხარისხის ორდენი
• წმინდა ვლადიმირის III ხარისხის ორდენი
• წმინდა სტანისლავის II ხარისხის ორდენი
• წმინდა ანას III ხარისხის ორდენი
• წმინდა ანას II ხარისხის ორდენი