ემზარ გელანტია

სწავლობდა ქ. ველიკოლუკის (რუსეთი) ზოოვეტერინარული ინსტიტუტის ზოოსაინჟინრო ფაკულტეტზე.

სამხედრო-სავალდებულო სამსახური სატანკო დივიზიონში გაიარა. ლეიტენანტი ემზარ გალანტია 1992 წლის 23 სექტემბრიდან ირიცხებოდა საქართველოს რესპუბლიკის თავდაცვის სამინისტროს ეროვნული გვარდიის მე-3 ბრიგადის მე-4 ბატალიონში, მოგვიანებით კი მე-2 საარმიო კორპუსის 24-ე მექანიზირებული ბრიგადის 240-ე ბატალიონში. ემზარ  გელანტია იყო ტანკის ეკიპაჟის მეთაური. (სოფელ  ტამიშთან, უმძიმეს  ვითარებაში ემზარ გელანტიამ მოახერხა ბრძოლის ველიდან ჭაბუა ამირეჯიბის შვილის, ირაკლი ამირეჯიბის ცხედრის გადმოსვენება). იგი მონაწილეობდა ოჩამჩირის რაიონის სოფლებში (ტამიში, მერკულა, ლაბრა, ბესლახუბა, ფოქვეში, ოხურეი, ილორი) ჩატარებულ სამხედრო ოპერაციებში. დაიღუპა 1993 წლის 25 თებერვალს, მე-2 საარმიო კორპუსისა და 24-ე ბატალიონის მიერ ქ. ტყვარჩელის მიმართულებით დაგეგმილი მასშტაბური სამხედრო ოპერაციის დროს სოფელ ბესლახუბასთან. ოჩამჩირის  რაიონის გამგეობის  განკარგულებით, ემზარ გალანტიას ხსოვნის უკვდავსაყოფად ოჩამჩირეში ერთ-ერთ ქუჩას ("შკოლნაიას")  ემზარ გელანტიას სახელი ეწოდა. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.119; შექმენი საკუთარი ისტორია: mematiane.ge

• მედალი "მხედრული მამაცობისთვის" (გარდაცვალების შემდეგ)