გიორგი ამუზაშვილი

დაბადების ადგილი: ქ. თბილისი.

დაამთავრა საქართველოს ტექნიკური უნივერსიტეტის ბაკალავრიატის კურსი სპეციალობით ელექტრული სადგურები 2001 წელს; საქართველოს ტექნიკური უნივერსიტეტის მაგისტრატურა სპეციალობით ელექტროენერგიის წარმოება, გადაცემა და განაწილება და მიენიჭა ელექტროენერგეტიკის მაგისტრის ხარისხი 2005 წელს; 2014 წელს მიიღო პროექტის მართვის მაგისტრის სერტიფიკატი ჯორჯვაშინგტონის უნივერსიტეტში (აშშ).

2003–2005წწ. "East Energy Corporation"-ში ხადორის ჰიდროელექტროსადგურის ინჟინერ-ოპერატორი; 2006–2009წწ. "Energy Invest"-ში გარდაბნის აირტურბინული ელექტროსადგურის ცვლის უფროსი; 2009 წლიდან მუშაობდა სს "საქართველოს სახელმწიფო ელექტროსისტემაში" სხვადასხვა პოზიციებზე: 2009-2011წწ. ეროვნული სადისპეტჩერო ცენტრის დისპეტჩერი; 2011–2012წწ. ეროვნული სადისპეტჩერო ცენტრის უფროსი დისპეტჩერი; 2012-2013წწ. ეროვნული სადისპეტჩერო ცენტრის მთავარი დისპეტჩერის მოადგილე; 2013 წელს ტექნიკური ინსპექციის სამსახურში უფროსი ინჟინერი; 2013-2016წწ. ქვესადგურების განვითარების პროექტების მენეჯერი, WAM-ის პროექტის მენეჯერი; 2017-2021წწ. დირექტორი დისპეტჩერიზაციის საკითხებში, მმართველთა საბჭოს წევრი; 2021 წლიდან დირექტორი ოპერატიული რეჟიმების და დისპეტჩერიზაციის საკითხებში, დირექტორთა საბჭოს წევრი; 2016-2017წწ. BPCaspian Sea Exploration-ში, პროექტის მენეჯერი. არის 20-ზე მეტი სტატიის ავტორი CIGRE-დიდი ელექტროენერგეტიკულ სისტემების საერთაშორისო საბჭოს ფარგლებში. თანაავტორი წიგნის "CEERC CIGRE" ისტორია (Early electrification andenpowerment of region where current electricity was born). არის 40-მდე საერთაშორისო სამეცნიერო კონფერენციის, სიმპოზიუმისა და ფორუმის მონაწილე: 2019 წელს CIGRE დანიის სიმპოზიუმი, 2021 წელს CIGRE SEERC-ის კონფერენცია, 2022 წელს CIGRE ავსტრიის სიმპოზიუმი, 2023 თურქეთის სიმპოზიუმი, 2024 წელს CIGRE პარიზის სესია. ენერგეტიკოსი.

• CIGRE-დიდი ელექტრო ენერგეტიკული სისტემების საერთაშორისო საბჭო, საქართველოს თავმჯდომარე (2018-)
• საქართველოს ენერგეტიკის აკადემია, ნამდვილი წევრი, აკადემიკოსი (2025-)

• 2023 - საქართველოს დამსახურებული ენერგეტიკოსი