კონსტანტინე მანჯგალაძე

დაბადების ადგილი: სოფელი ღანირი, სამტრედიის რაიონი.

1936 წელს ცეკვავდა თბილისის სახელმწიფო უნივერსიტეტის ქართული ხალხური ცეკვის თვითმოქმედ ანსაბლში, რომლის დამაარსებელი და ქორეოგრაფი ჯანო ბაგრატიონი იყო. 1937 წელს იგი ჩაირიცხა საქართველოს სიმღერისა და ცეკვის ეთნოგრაფიულ სახელმწიფო ანსამბლში და წლების მანძილზე იყო წამყვანი მოცეკვავე და მთავარი ქორეოგრაფის თანაშემწე. 1941 წლიდან ომის დამთავრებამდე ირიცხებოდა საბჭოთა არმიის რიგებში და ხელმძღვანელობდა მეომართა თვითმოქმედ ანსამბლებს. 1945 წელს საბჭოთა არმიის მხატვრული თვითმოქმედების დათვალიერებებში აქტიური მონაწილეობისათვის ჯილდოვდებოდა საპატიო სიგელებით. გამოცდილი  ქორეოგრაფი წლების მანძილზე მოღვაწეობდა საქართველოს სხვადასხვა ქალაქსა და რაიონში, უძღვებოდა ამიერკავკასიის რკინიგზის სტალინი სახ. ორთქმავალვაგონშემკეთებელი ქარხნის პლეხანოვის სახ. კლუბის, ხელოვნების მუშაკთა სახლის, გაგრის, ვანის, საჩხერის, ზესტაფონის, ბოლნისის, დმანისის, სიღნაღის, რუსთავის კულტურის სახლების ქორეოგრაფიულ ანსამბლებს, რომლებიც წარმატებით გამოდიოდნენ რაიონულ და რესპუბლიკურ ოლიმპიადა-დათვალიერებებზე. კ. მანჯგალაძე როგორც ქორეოგრაფი, 30 წელია ნაყოფიერად მუშაობდა თბილისის ს. ზაქარიაძის სახ. მხატვრული თვითმოქმედების კულტურულ-საგანმანათლებლო სასწავლებელში, გაზარდა ქართველ მოცეკვავეთა და ქორეოგრაფთა კადრები. იყო თბილისის სახალხო უნივერსიტეტის ქართული ხალხური ქორეოგრაფიის ფაკულტეტის დეკანი.

წყარო: ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.90-91; 
კონსტანტინე მანჯგალაძე : ხსოვნა // საქართველოს რესპუბლიკა. - თბილისი, 2004. - 15 აპრილი. - N85 (4814). -გვ.10 

• 1977 - საქართველოს სკოლის დამსახურებული მასწავლებელი
• მედალი "ვ. ი. ლენინის დაბადებიდან 100 წლისთავის გამო"