ვახტანგ ცინცაძე

დაამთავრა საქართველოს ტექნიკური უნივერსიტეტის ბიზნესის მართვის ბაკალავრი 2007 წელს; საქართველოს ტექნიკური უნივერსიტეტის ბიზნესის მართვის მაგისტრი (MBA) 2009 წელს; ჯორჯ მარშალის ცენტრის აშშ-ს თავდაცვის სამინისტრო (გერმანია) "Leaders Program in Advanced Security Studies" (LPASS) 2012 წელს; 2005-2006წწ. გავლილი აქვს ბერლინის ტექნიკური უნივერსიტეტის გაცვლითი პროგრამა; 2021 წელს საქართველოს ტექნიკური უნივერსიტეტის საჯარო მართვის დოქტორანტი (PHD). 

2009-2013წწ. საქართველოს ეკონომიკისა და მდგრადი განვითარების სამინისტროს ეკონომიკური ანალიზისა და პოლიტიკის დეპარტამენტის ეკონომიკური პოლიტიკის სამმართველოს მთავარი სპეციალისტი; 2013–2016წწ. საქართველოს ეკონომიკისა და მდგრადი განვითარების სამინისტროს ეკონომიკური ანალიზისა და პოლიტიკის დეპარტამენტის ეკონომიკური პოლიტიკის სამმართველოს უფროსი; 2017–2022წწ. საქართველოს ეკონომიკისა და მდგრადი განვითარების სამინისტროს ეკონომიკური ზრდის ანალიზისა დეპარტამენტის უფროსი; 2022 წლის დეკემბერიდან - საქართველოს ეკონომიკისა და მდგრადი განვითარების მინისტრის მოადგილე; გავლილი აქვს საერთაშორისო სავალუტო ფონდის, საქართველოს სტრატეგიისა და საერთაშორისო ურთიერთობათა კვლევის ფონდის, ესტონეთის დიპლომატიური სკოლის, პოლონეთის საგარეო საქმეთა სამინისტროსა და ევროკომისიის პროგრამები. მონაწილეობდა ეკონომიკურ რეფორმებში: საპენსიო რეფორმის (მეორე სვეტი) კონცეფციის შემუშავება და რეფორმის ეკონომიკური ეფექტების შეფასება/ანალიზი; საჯარო და კერძო თანამშრომლობის კონცეფციის და ჩარჩო კანონმდებლობის შემუშავება; გადახდის უუნარობის რეფორმის ფარგლებში ჩარჩო კანონმდებლობის შემუშავება; ფინანსებზე ხელმისაწვდომობის მექანიზმების განვითარება - საკრედიტო საგარანტიო სქემის დიზაინის შემუშავება, იპოთეკური სესხების სუბსიდირების და საგარანტიო პროგრამების შემუშავებაში მონაწილეობა, ალტერნატიული დაფინანსების მექანიზმების განვითარება - ლიზინგის განვითარების კონცეფციის და ფაქტორინგის კანონმდებლობის შემუშავებაში მონაწილეობა, წიაღის სექტორის რეფორმის კონცეფციის შემუშავებაში მონაწილეობა.

წყარო: საქართველოს ეკონომიკისა და მდგრადი განვითარების სამინისტრო: moesd.gov.ge