ლაშა დუნდუა

დაბადების ადგილი: სოფელი პირველი მაისი, აბაშის რაიონი.

1986 წლის დეკემბერში გაიწვიეს სავალდებულო სამხედრო სამსახურში. მსახურობდა ქ. მოსკოვის გარეუბანში, მიტიჩში. 1988 წელს იგი დაბრუნდა  სერჟანტის ჩინით. 1989 წლის მაისში მუშაობა დაიწყო თბილისის მოზარდ მაყურებელთა თეატრის რეკვიზიტორად, სადაც მუშაობდა 1990 წლის დეკემბრამდე. 1990 წელს ჩაირიცხა საქართველოს მეცნიერებათა აკადემიასთან არსებული ეკონომიკური განათლების მენეჯერთა და ბიზნესის სკოლაში, შემდეგ იმავე აკადემიასთან არსებული ინსტიტუტის საგარეო ეკონომიური ურთიერთობის ფაკულტეტზე. 1991 წლიდან ჩაება ეროვნულ-გამათავისუფლებელ მოძრაობაში. იბრძოდა სამაჩაბლოში. აფხაზეთში მიმდინარე საომარი კონფლიქტის დროს იბრძოდა "შავნაბადას" შემადგენლობაში. დაიღუპა 1993 წელს დაბა ლესელიძესთან, გაგრაში. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორ. მთლიანობისათვის აფხაზეთსა და შიდა ქართლში დაღუპულ მეომართა ბიოგრაფიები. ნაწილი 1-თბ.,1996.-გვ.175-177

• ვახტანგ გორგასლის III ხარისხის ორდენი (გარდაცვალების შემდეგ)