ნოე კაკაშვილი

დაბადების ადგილი: სოფელი ბია, ხობის რაიონი.

დაამთავრა ცხაკაიას სასოფლო-სამეურნეო ტექნიკუმი 1934 წელს; სწავლობდა ქუთაისის პედაგოგიური ინსტიტუტის ისტორიის ფაკულტეტზე.

1938-1939წწ. საჯიჯაოს საშუალო სკოლაში ისტორიის მასწავლებლად იმუშავა; 1939 წელს სოფელ ზუბის არასრული საშუალო სკოლის, ოთხი წლის მერე კი შუა ქვალონის საშუალო სკოლის დირექტორად დაინიშნა. ერთი წელიწადი ხობის განათლების განყოფილების სასკოლო ინსტრუქტორიად იმუშვა; მეორე მსოფლიო ომისას, ძირითადი სამუშაოების პარალელურად აქტიურად იყო ჩართული წვევამდელთა მომზადებაში; 1946 წელს საცხოვრებლად ცხაკაიაში გადავიდა და ორი წელიწადი პარტიის ცხაკაიას რაიკომის ლექტორ-პროპაგანდისტად იმუშავა; 1947-1949წწ. პარტკაბინეტს, 1949-1960წწ. კი ამავე რაიკომის პროპაგანდისა და აგიტაციის განყოფილებას ხელმძღვანელობდა; 1952-1953წწ. არჩეული იყო პარტიის ცხაკაიას რაიკომის ბიუროს წევრად, საქალაქო საბჭოს რამდენიმე მოწვევის დეპუტატად; 1961 წელს დანიშნეს ცხაკაიას პირველი საშუალო სკოლის დირექტორად; 1962-1965წწ. ცხაკაიას სკოლა-ინტერნატს ედგა სათავეში, 1965 წლიდან კი 20 წლის განმავლობაში ცხაკაიას პირველი საშუალო სკოლის დირექტორად იმუშავა; ცხაკაიაში მოღვაწეობისას დიდი წვლილი მიუძღვის საზოგადოება "ცოდნის" რაიონული ორგანიზაციის ჩამოყალიბებაში; 1949-1961წწ. იყო ამ საზოგადოების რაიონული გამგეობის თავმჯდომარე; 1965-1984წწ. მშობელთა პედაგოგიზაციის "ცოდნის" სახალახო უნივერსიტეტს ხელმძღვანელობდა, ორი წელიწადი რაიონის მრავალდარგოვანი სახალხო უნივერსიტეტის პრორექტორი იყო; 1986-1994წწ. პირველ სკოლაში ისტორიას ასწავლიდა, მას დიდი წვლილი მიუძღვის მოსწავლე-ახალგაზრდობის სწავლა-განათლების საკითხში. მეთოდისტ მასწავლებელი. 

წყარო: სენაკის საპატიო მოქალაქეები / ანზორ ცაგურია, ვაჟა დანელია/. - სენაკი, 2020. -გვ.48

• 1907 - საქართველოს დამსახურებული მასწავლებელი
• სენაკის საპატიო მოქალაქე
• სამკერდე ნიშანი "სახალხო განათლების წარჩინებული"