სალომე კვერღელიძე

დაბადების ადგილი: ქ. ბათუმი.

დაამთავრა თბილისის სახელმწიფო უნივერსიტეტის იურიდიული ფაკულტეტი 2014 წელს და მიენიჭა იურისტის კვალიფიკაცია; საქართველოს ტექნიკური უნივერსიტეტის ბიზნეს-ინჟინერინგის ფაკულტეტის მაგისტრატურა სამართალმცოდნეობის სპეციალიზაციით 2016 წელს; 2017 წელს გაიარა ტრენინგი თბილისის საქალაქო სასამართლოს მოსამართლეთა თანაშემწეებისთვის: ადამიანის უფლებათა ევროპული კონვენციითა და ადამიანის უფლებათა ევროპული სასამართლოს პრაქტიკით დადგენილი სტანდარტების იმპლემენტაცია - Promoting Rule of Law in Georgia (PROLoG). 2018 წელს გაიარა მართლმსაჯულების ზაფხულის სკოლა - მართლმსაჯულების დამოუკიდებლობა, ადამიანის უფლებათა ევროპული სასამართლოს პრეცედენტული გადაწყვეტილებები, გამოხატვის თავისუფლება, დისკრიმინაციის აკრძალვა და სამართლიანი სასამართლოს უფლება; 2023-2024წწ. იყო იუსტიციის უმაღლესი სკოლის მსმენელი.

2014-2016წწ. - თბილისის საქალაქო სასამართლოში ადმინისტრაციულ საქმეთა კოლეგიის სხდომის მდივანი /მოსამართლის თანაშემწე; 2016-2018წწ. - თბილისის საქალაქო სასამართლოში მოსამართლის თანაშემწე; 2018-2020წწ. - თბილისის სააპელაციო სასამართლოში მოსამართლის თანაშემწე; 2020-2022წწ. - საქართველოს უზენაეს სასამართლოში ადმინისტრაციულ საქმეთა პალატის სამდივნოს მწერალი თანაშემწე; 2022-2023წწ. - საქართველოს უზენაეს სასამართლოში სამოქალაქო საქმეთა პალატის სამდივნოს მთავარი კონსულტანტი, მოსამართლის თანაშემწე. 2024 წლის დეკემბრიდან - გურჯაანის რაიონული სასამართლოს მოსამართლე.

წყარო: საქართველოს იუსტიციის უმაღლესი საბჭო: hcoj.gov.ge; გურჯაანის რაიონული სასამართლო: court.ge