რომან ჯიოევი

დაბადების ადგილი: ქ. თბილისი.

ქართული ხალხური ცეკვის ხელოვნებას ეზიარა თბილისის ძერჟინსკის სახელობის კლუბთან არსებულ თვითმოქმედ ქორეოგრაფიულ კოლექტივში მ. და ჰ. კობეშავიძეების ხელმძღვანელობით. 1963 წლიდან ცეკვავდა თბილისის ტრამვაი-ტროლეიბუსების სამმართველოს სიმღერისა და ცეკვის თვითმოქმედ ანსამბლში (ქორეოგრაფი ბ. დარახველიძე). პარალელურად სწავლობდა თბილისის უცხო ენათა ინსტიტუტში და ცეკვავდა სტუდენტურ ანსამბლში. 1964 წლიდან ჯიოევი საქართველოს ხალხური ცეკვის სახელმწიფო აკადემიური ანსამბლის წევრი იყო. იგი თითქმის ყველა ცეკვაში მონაწილეობდა და შესრულების თავისებური მანერით აწონებდა მაყურებელს თავს: " ხონგა", "სიმდი", "ფარიკაობა", "მხედრული", "ყაზბეგური" და "ლელო". დადგმული აქვს ცეკვები: "ფერხული", "ქართული", "სიმდი", "მთიულური" და სხვა ცეკვები.

წყარო: ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.299

• 1981 - საქართველოს დამსახურებული არტისტი