მიხეილ სააკაშვილი

დაბადების ადგილი: ქ. გორი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1933 წელს.

1933-1938წწ. მუშაობდა მოსკოვში (1933-1938); 1938-1943წწ. იყო თბილისის სახელმწიფო სამედიცინო ინსტიტუტის სამკურნალო ფაკულტეტის ნერვულ სნეულებათა კათედრის დოცენტი; 1943 წელს მისი უშუალო თავკაცობით თსსუ-ში ჩამოყალიბდა მედიცინის ისტორიის კათედრა, რომელსაც სიცოცხლის დასასრულამდე თავად განაგებდა; ამ კათედრაზე საქართველოში პირველად ჩაეყარა საფუძველი მშობლიური მედიცინის ისტორიის ორგანიზებულ სწავლებას, რაც მ. სააკაშვილის დიდი დამსახურებაა; 1948 წლიდან მედიცინის მეცნიერებათა დოქტორია. დისერტაცია მიეძღვნა ნევროპათოლოგიის განვითარების ისტორიის საკითხებს; 1950 წლიდან პროფესორი; 1945-1946წწ. თსსუ-ის სანიტარულ-ჰიგიენური ფაკულტეტის დეკანია; 1950-1953წწ. თსსუ-ის რექტორია. იგი შეისწავლიდა ქართული და უცხოური მედიცინის ისტორიის საკითხებს. მნიშვნელოვანი მონოგრაფია მიუძღვნა აკად. ივ. თარხნიშვილს, მისი თანაავტორობით შეიქმნა მრავალტომეული "ქართული მედიცინის ისტორია". ექიმი-ნევროპათოლოგი.

წყარო: საქართველოს სამედიცინო კალენდარი: ნაწ.I / ჯუმბერ ქორჩილავა-თბ.,2010.-გვ.31-32

• 1961 - საქართველოს მეცნიერებათა დამსახურებული მოღვაწე

• რუსული მატერიალისტური ფილოსოფია და მედიცინა : ნაკვ. 1. მიხეილ ლომონოსოვი და მედიცინა (ავტორი). - თბილისი, ცოდნა, 1961. - 67გვ.
• ივანე სეჩენოვი : გამოჩენილ ადამიანთა ცხოვრება (ავტორი). - თბილისი, ნაკადული, 1960. - 111გვ.
• საქართველოს მედიცინის ისტორიის ილუსტრაციები : უძველესი დროიდან XIX საუკუნემდე (ავტორი). - თბილისი, საბჭ. საქართველო, 1959. - 128გვ.
• დიდი რუსი ფიზიოლოგი - ი.მ. სეჩენოვი (ავტორი). - თბილისი, პოლიგრაფკომბინატი "კომუნისტი"), 1954. - 33გვ.