ანზორი სომხიშვილი

დაბადების ადგილი: ქ. გორი.

დაამთავრა ნიკოლოზ ბარათაშვილის სახელობის გორის სახელმწიფო პედაგოგიური ინსტიტუტის გეოგრაფია-ბიოლოგიის ფაკულტეტი 1962 წელს.

ინსტიტუტში სწავლის პერიოდში თავი გამოიჩინა, როგორც წარჩინებულმა და აქტიურმა სტუდენტმა, მთავრობის მოწოდებას ერთ-ერთი პირველი გამოეხმაურა და მეგობრებთან ერთად 1957-1958წწ. იმყოფებოდა ცენტრ პეშკოვკაში ყამირი მიწების ასათვისებლად. საუკეთესო სპორტსმენი, ნიჭიერი მოჭადრაკე ხშირად მონაწილეობდა საჭადრაკო ტურნირებში, ამხანაგური შეხვედრები ჰქონდა ცნობილ მოჭადრაკეებთან - მიხეილ ტალთან, ნონა გაფრინდაშვილთან და სხვ. არჩეული იყო გორის პედაგოგიური ინსტიტუტის პროფკომიტეტის თავჯდომარედ. მისი ინიციატივით 1964 წელს კინდღში, ინსტიტუტის ბაზაზე, გაიხსნა ბანაკი სტუდენტებისა და ლექტორ-მასწავლებლებისათვის. იგი მუშაობდა გეოლოგია-ბიოლოგიის კათედრაზე ასისტენტად და სტუდენტებს ხელმძღვანელობდა ყირიმში (იალტა), პრაქტიკული სამუშაოების შესრულებაში. წლების განმავლობაში მუშაობდა ინსტიტუტის რექტორის მოადგილედ სამეურნეო დარგში. მიღებული ჰქონდა არაერთი მადლობა.

წყარო: და ვანთებ სანთელს. ნაწ. 2 (ხსოვნის წიგნი): წიგნი ეძღვნება აწგარდაცვლილი გორელების ხსოვნას/ვახტანგ ჭანკოტაძე. -თბ., 2007. -გვ.-57-58