გიორგი ჟორჟაძე

დაბადების ადგილი: ქ. ბათუმი.

დაამთავრა სტავროპოლის სამედიცინო ინსტიტუტის პედიატრიული ფაკულტეტი 1982 წელს.

1972-1974წწ. მუშაობდა ბათუმის რესპუბლიკურ საავადმყოფოში სანიტრად; 1982-1984წწ. სტავროპოლის სამედიცინო ინსტიტუტის ბავშვთა ინფექციურ დაავადებათა კათედრაზე, კლინიკის ორდინატორად (სპეციალობა პედიატრია და ბავშვთა ინფექციები); 1984-1995წწ. ბათუმის ინფექციური საავადმყოფოს ინფექციონისტ-პედიატრად; 1995-1997წწ. ბათუმის ინფექციური საავადმყოფოს ბავშვთა კუჭ-ნაწლავის ინფექციების განყოფილების გამგედ; 1997-2004წწ. ბათუმის ინფექციური საავადმყოფოს ბავშვთა ბოქსის განყოფილების გამგედ; 2004-2006წწ. ბათუმის ინფექციური საავადმყოფოს სამკურნალო დიაგნოსტიკური განყოფილების უფროსი; კვალიფიკაცია აიმაღლა საქართველოს სამედიცინო აკადემიის ინფექციურ სნეულებათა კათედრაზე და მიენიჭა სერთიფიკატი (2006); იგი, სტუდენტობის პერიოდში ეწეოდა აქტიურ საზოგადოებრივ ცხოვრებას. დაჯილდოებული იყო მრავალი საპატიო სიგელით. ბათუმის საავადმყოფოში მუშაობის დროს 2001 წელს შეიმუშავა "ვირუსული ჰეპატიტის (B,C) დისპანსერიზაციის პროგრამა", რისი დასრულებაც ვერ მოასწრო მოულოდნელი გარდაცვალების გამო; 2004 წელს დაჯილდოვდა საპიტიო სიგელით, სკოლამდელი ასაკის ბავშვთა დისპანსერიზაციის კარგად ჩატარების და აჭარის ავტონომიური რესპუბლიკის მოსახლეობის სამედიცინო მომსახურების საქმეში გაწეული დიდი ღვაწლისთვის. ბავშვთა ექიმი-ინფექციონისტი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.174-175

• აჭარის ავტონომიური რესპუბლიკის ექიმთა რეგიონული ასოციაცია, წევრი (2004-)