რაჟდენ ქორჩილავა

დაბადების ადგილი: სოფელი დიდი კვათანა, აბაშის რაიონი.

დაამთავრა  თბილისის სახელმწიფო უნივერსიტეტის იურიდიული ფაკულტეტი; თბილისის სახელმწიფო სამედიცინო ინსტიტუტის სამკურნალო ფაკულტეტი 1936 წელს.

მუშაობდა აბაშის რაიონის გამომძიებლად, მოსამართლედ, ფოთის პროკურორად (1929 წლამდე); თბილისის სასამართლოს თავმჯდომარედ (1931 წლამდე); 1936 წლიდან იყო ხარაგაულის რაიონის ჯანმრთელობის განყოფილების გამგე; 1938-1940წწ. ჯანდაცვის სამინისტროს გიორგი ელიავას სახელობის თბილისის ვაქცინებისა და შრატების სამეცნიერო-კვლევითი ინსტიტუტის დირექტორი; ომის დროს საქართველოს ჰოსპიტლების გაერთიანების ხელმძღვანელი; 1953-1968წწ. ხელმძღვანელობდა საქართველოს ჯანმრთელობის დაცვის სამინისტროს რესპუბლიკურ ცენტრალური კლინიკური საავადმყოფოს ქირურგიულ განყოფილებას; მედიცინის მეცნიერებათა კანდიდატი (1953). მას ჰქონდა შექმნილი საკუთარი წამალი (სითხის სახით) სახელწოდებით "რპქ" (რაჟდენ პავლეს ძე ქორჩილავა) - გამოიყენებოდა ეგზემის, ფსორიაზის, კანის დაავადებების დროს და სხვა. ექიმი-ქირურგი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.283-284