ვახტანგ ღვინჯილია

დაბადების ადგილი: სოფელი ვარჩე, გულრიფშის რაიონი.

აფხაზეთში მიმდინარე საომარი მოქმედებების დროს, ირიცხებოდა საქართველოს რესპუბლიკის თავდაცვის სამინისტროს მე-2 საარმიო კორპუსის 23-ე მექანიზირებული ბრიგადის მე-5 მოტომსროლელ ბატალიონში ოცმეთაურის მოადგილედ. მონაწილეობდა სოფლების: ათარა-აფხაზკაიას, ათარა-არამიანსკაიას, კინდღის, ტამიშის, შრომის მიმდებარედ განხორციელებულ საბრძოლო ოპერაციებში. 1993 წლის 16 სექტემბერს საომარი მოქმედებების განახლებისას, მტერმა  სოფლები - ახალდაბა და აძიუჟბა დაიკავა. ვახტანგ  ღვინჯილიამ, მეომართა ჯგუფთან ერთად, სცადა აძიუჟბაში  განლაგებული მოწინააღმდეგის დაცვის ხაზის გარღვევა. ამ  ოპერაციის დროს მძიმედ დაიჭრა, ინტენსიური ცეცხლის გამო მისი ბრძოლის ველიდან გამოყვანა ვერ მოხერხდა და ადგილზე დაიღუპა. საქართველოს ტერიტორიული მთლიანობისათვის მებრძოლი აფხაზეთში.

წყარო: მემატიანე.ჯი: შექმენი საკუთარი ისტორია: mematiane.ge

• ვახტანგ გორგასლის I ხარისხის ორდენი, (გარდაცვალების შემდეგ)
  სამშობლოს ტერიტორიული მთლიანობისთვის ბრძოლაში გამოჩენილი გმირობის, ვაჟკაცობისა და თავგანწირვისათვის