ომარ ტატულაშვილი

დაბადების ადგილი: ქ. გორი.

დაამთავრა თბილისის სახელმწიფო სამხატვრო აკადემია გამოყენებითი ხელოვნების სპეციალობით.

მის ოჯახში უდიდეს პატივს მიაგებდნენ კულტურასა და ხელოვნებას, განსაკუთრებით კი კერამიკას და კერამიკოსობას. მან აირჩია კერამიკა. თავისუფალ დროს ატარებდა მამისა და პაპის მიერ შექმნილ სახელოსნოში. ტატულაშვილების სახელოსნოს ხშირად სტუმრობდნენ კულტურისა და ხელოვნების დამსახურებული მოღვაწეები, მხატვრები თუ კერამიკის დიდოსტატები. აკადემიის დამთავრების შემდეგ მას შესთავაზეს იქვე ხელი მოეკიდა პედაგოგობისათვის და აღეზარდა მომავალი თაობები. პედაგოგობის პარალელურად, იგი განაგრძობდა ნაყოფიერ შემოქმედებით მოღვაწეობას. იყო 25-ზე მეტი საერთაშორისო გამოფენის, რესპუბლიკურ და საკავშირო (სსრკ) ფორუმების მონაწილე. 1962 წელს, პრაღის საერთაშორისო გამოფენაზე, ომარ ტატულაშვილმა დაიმსახურა საპატიო დიპლომი. მისი რჩეული ნამუშევრები ინახება ქ. მოსკოვში, აღმოსავლეთის ხალხთა ხელოვნების მუზეუმში. მხატვარი-კერამიკოსი.

წყარო: ხსოვნის წიგნი. ნაწილი 5/ვახტანგ ჭანკოტაძე. -თბ., 2019. -გვ.74-76

• სსრკ მხატვართა კავშირი, წევრი