მიხეილ მეტეხელი

მუშათა პირველი ჟურნალ "მუშას" შემდგენელ-გამომცემელი. 1887 წელს თბილისის მუშებმა საკუთარი ჟურნალი "მუშა" დააარსეს და მის რედაქტორად მიხეილ მეტეხელი მიიწვიეს, როგორც ხელით გადამწერი და მხატვარი (ჟურნალი თვეში ერთხელ გამოდიოდა ხუთ ცალად, თითო ცალი 100 მუშას უნდა წაეკითხა). პირველ წელიწადს გამოსცა სულ 6 ნომერი (ზაქარია ჭიჭინაძისაგან ნაჩუქარი ერთად აკინძული ეს 6 ნომერი, ვარლამ ჩერქეზიშვილმა ლონდონის მუზეუმს გადასცა, სადაც ქართულ განყოფილებაშია დაცული. 1905 წელს პროფესორმა ალექსანდრე ხახანაშვილმა აღწერა ჟურნალ "მოამბეში" № 8). მისი თანამშრომელნი იყვნენ: მიხა ჩოდრიშვილი, არაქელ ოქუაშვილი, ვანო ქურთიშვილი, აბრამ ცქიმანაური, ივანე დოლმაზაშვილი ("ქართველის" ფსევდონიმით), პეტრე პეტრიაშვილი, გრ. ბასილაშვილი ("ნორიელი სლესარი"), ეფრემ მაისურაძე ("ოყალი ჯადო"), გ. დიაროვი (დორელი) და ზაქარია ჭიჭინაძე. ჟურნალში წერილები მხოლოდ მუშათა ყოფა-ცხოვრების შესახებ ქვეყნდებოდა.

წყარო: ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.268