მიხეილ კოპალეიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1959 წელს.

1960-1962წწ. მუშაობდა გაზეთ "სოფლის ცხოვრების" რედაქციაში ლიტ. თანამშრომლად; 1968 წლიდან  საქტელერადიოკომიტეტში რადიოს სოფლის მეურნეობის რედაქციაში; მოსწავლე ახალგაზრდობის განყოფილების რედაქტორად; 1993 წლიდან იყო რადიოს ლიტდრამ. პროგრამების მთავარი რედაქციის რედაქტორი, ტელევიზიის შემოქმედებითი გაერთიანება "სხივის" (ახლანდ. "ხელოვნება") მთავარი რედაქტორის მოადგილე; მას აქვს ჩანახატები, ნარკვევები, რეპორტაჟები, წერილები, თარგმანები, წლების მანძილზე უძღვებოდა მისივე ავტორობით მომზადებულ ციკლებს: "მოგზაურობა ცოდნის სამყაროში", რადიოკომპოზიციები - რესპუბლიკის სახალხო მხატვრებზე, ქართველ მწერლებზე. ეს მასალები ინახება რადიოს ოქროს ფონდში; განახორციელა რადიოდადგმები ("შუქი სიკეთისა", "დავით აღმაშენებლის ქვა", "დღე"), ტელეგადაცემები, ტელეფილმი (რეჟ. ა. ნინუა). მიღებული აქვს ჟურნალ "ნაკადულის" პრემია(1962).

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.227-228

• 1985 - საქართველოს დამსახურებული ჟურნალისტი