ბეჟან ბარჯაძე

დაბადების ადგილი: სოფელი თამარაშენი, ქარელის რაიონი.

დაამთავრა თბილისის სახელმწიფო სამედიცინო ინსტიტუტის სანჰიგიენური ფაკულტეტი 1958 წელს.

1959-1960წწ. მუშაობდა ადიგენის რაიონის ეპიდემიოლოგად; რაიონის სანეპიდსადგურის მთავარ ექიმად; 1961-1972წწ. თბილისში სპ. ვირსალაძის სახელობის სამედიცინო პარაზიტოლოგიისა და ტროპიკული მედიცინის სამეცნიერო-კვლევით ინსტიტუტში, ჯერ უმცროს მეცნიერ-თანამშრომლად, შემდეგ კი უფროს მეცნიერ-თანამშრომლად; 1989-1993წწ. ამავე ინსტიტუტის პარაზიტოლოგიის განყოფილების გამგედ, 1989-1993წწ. დირექტორად; შემუშავებული ჰქონდა ახალი რეკომენდაციები ვისცერული და კანის ლეიშმანიოზების მკურნალობაზე (დაინერგა ინსტიტუტის კლინიკაში). მიღებული ჰქონდა 2 საავტორო მოწმობა. მის მიერ პირველად იქნა შესწავლილი ჩვენში ლეიშმანიების სტრუქტურა სკენირებული მეთოდით და მასზე სოლუცურმინის მოქმედების ულტრასტრუქტურა. კანის ლეიშმანიოზის მკურნალობაში პირველმა გამოავლინა ლაზერის სხივის მოქმედების ეფექტურობა. ექიმი-პარაზიტოლოგი, მედიცინის მეცნიერებათა კანდიდატი (1971), დოქტორი (1983).

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.334-335