მიხეილ მეფისაშვილი

დაბადების ადგილი: რაბათი, ქ. ახალციხე.

მიხეილ მეფისაშვილი დაიბადა პავლე მეფისაშვილის ოჯახში. მიღებული ჰქონდა კარგი განათლება, იცოდა თურქული, სომხური, რუსული ენები, ქართული მწიგნობრობა და ისტორია, საქართველოს ისტორიულ-გეოგრაფიული საზღვრები, განსაკუთრებით კი  საქართველო-ოსმალეთის ვითარება. 1877 წელს გენერალმა მიხეილ ლორის-მელიქოვმა მიხეილ მეფისაშვილი და გრიგოლ გურიელი აჭარის ბეგ შერიფ ხიმშიაშვილთან დიპლომატიური მისიით გააგზავნა. მიხეილ მეფისაშვილს მჭიდრო კავშირი ჰქონდა აჭარის ბეგებთან, იცნობდა მათ ოჯახებს, იცოდა მათი აზრი ქართველებსა და საქართველოზე, ასევე გავლენა ჰქონდა მათზე. დიდი ავტორიტეტით სარგებლობდა მთელ საქართველოში, შავშეთ-ერუშეთის, ფოცხოვის, ქვაბლიანის, ართვინის მხარეში. 1878 წელს  მიხეილ მეფისაშვილი დაინიშნა ართვინის ოლქის უფროსად. 

წყარო: ქართველ კათოლიკენი ყველა ასპარესზედ და ზოგი რამ წერილები დასავლეთ საქართველოზე / აღწერილი და დაბეჭდილი ზაქარია ჭიჭინაძისაგან.-თფ.,1905.-გვ.22-25; ნახული და გაგონილი : წერილები ახალციხიდან // ივერია.- თბილისი, 1902.-19 იანვარი.-N15.-გვ.2-3