
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ივანე მელიაშვილი

Other name:	ვანო მელიაშვილი
Date of birth:	1896
Date of death:	1988 (at 92 years)
Category:	Painter

Biography

დაბადების ადგილი: დაბა თიანეთი.

თვითნასწავლი მხატვარი ივანე (ვანო) მელიაშვილი კარგად იცნობდა ქართულ მოზაიკას და მის ტექნიკას, რაზეც მისი ნამუშევრები "თამარ მეფის პორტრეტი" და "ვაჟა-ფშაველა და მისი ოჯახი" მეტყველებს, ხოლო მისი სცენები ზაქარია ფალიაშვილის ოპერიდან ქართული მინიატიურული ხელოვნების კარგ ცოდნაზე მიუთითებს. ხალხური ხელოვნების დაცვისა და აღორძინების ცენტრის ორგანიზებით ვანო მელიაშვილის ნამუშევრების გამოფენა ეროვნულ ბიბლიოთეკაში 2000 წლის 12–28 მაისს გაიმართა, გარდაცვალებამდე რამდენიმე წლით ადრე ელენე ახვლედიანის სახელობის ბავშვთა სამხატვრო გალერეაში ჩატარდა მისი 87 ნამუშევრის პირველი გამოფენა, რომელსაც კრიტიკოსთა დადებითი გამოხმაურება მოჰყვა. მოგვიანებით, თენგიზ მირზაშვილის, ზურაბ ნიჟარაძისა და ედმონდ კალანდაძის დახმარებით ხელოვანის ნამუშევართა გამოფენა შედგა ავსტრიის დედაქალაქ ვენაში, სადაც რამდენიმე სურათიც კი გაიყიდა. ვანო მელიაშვილი ცხოვრების ბოლო 25 წელი დარაჯად მუშაობდა საბავშვო ბაღში. 2015 წელს, კი საქართველოს ხალხური და გამოყენებითი ხელოვნების სახელმწიფო მუზეუმის ფონდებში დაცული ვანო მელიაშვილის სხვადასხვა მასალით შესრულებული ნამუშევრები ექსპონირებულ იქნა ამავე მუზეუმში მოწყობილ ჯგუფურ გამოფენაზე "სახეები". 2000 წელს დავით ჯანელიძის რეჟისორობით კინოკომპანია "შვიდკაცამ" გადაიღო დოკუმენტური ფილმი "ვანო მელიაშვილი", რომელიც მოგვითხრობს XX საუკუნის თვითნასწავლი მხატვრის ცხოვრებასა და შემოქმედებაზე. მისი ნამუშევრები შეტანილია მსოფლიო პრიმიტივისტი (ნაივი) მხატვრების ენციკლოპედიაში. პრიმიტივისტი, XX საუკუნის თვითნასწავლი მხატვარი.

წყარო: ახალი და უახლესი ქართული ვიზუალური ხელოვნების პორტალი: art.gov.ge

Bibliography

რეპროდუქციების კრებული (Author)