მიხეილ ჩიქოვანი

დაბადების ადგილი: დაბა აბაშა.

კიევის უნივერსიტეტის საბუნებისმეტყველო ფაკულტეტზე სწავლებისას (1915-1916) გაიწვიეს არმიაში (1916-1917); დემობილიზაციის შემდეგ შევიდა ახლადგახსნილ თბილისის სახელმწიფო უნივერსიტეტის სამკურნალო ფაკულტეტზე (1918).

1924-1927წწ. მუშაობდა სენაკის მაზრის დაბა მარტვილის, შემდეგ კი სენაკის საავადმყოფოს ორდინატორად და პოლიკლინიკური განყოფილების კლინიკურ-დიაგნოსტიკური ლაბორატორიის გამგედ; 1927-1929წწ. თბილისის სამეანო-გინეკოლოგიურ კლინიკაში გაიარა კლინიკური ორდინატურა; 1929-1930წწ. არის იმავე კლინიკის ასისტენტი; 1927-1929წწ. პარალელურად ეუფლებოდა პროფესორ ისააკ ხათრიძის ლაბორატორიაში მიკრობიოლოგიური და კლინიკურ-ლაბორატორიული კვლევის მეთოდებს; 1930-1934წწ. მუშაობდა ხაშურის ქალთა კონსულტაციისა და კლინიკურ-დიაგნოსტიკური ლაბორატორიის გამგედ; 1935-1965წწ. აბაშის რაიონის სამშობიარო სახლის გამგედ და რაიონული საავადმყოფოს გინეკოლოგად; 1930-1932წწ. მივლინებული იყო  მოსკოვისა და ლენინგრადის სამეანო-გინეკოლოგიურ კლინიკებში, დაეუფლა თანამედროვე სამეანო-გინეკოლოგიურ ოპერაციებს, ბაქტერიოლოგიურ და კლინიკურ-დიაგნოსტიკურ კვლევის მეთოდებს; აქტიურად იყო ჩართული საზოგადოებრივ ცხოვრებაშიც; ხშირად გამოდიოდა საზოგადოების სხდომებზე მოხსენებებით; გამოქვეყნებული აქვს 5 სამეცნიერო ნაშრომი ქართულ ჟურნალებში: "თანამედროვე მედიცინა" და "საბჭოთა მედიცინა": "რეციკულურ-ენდოთელური სისტემის ფუნქციური გამოკვლევა ორსულობის დროს"; "ჭიპლარის აპკის მიმაგრების შესახებ"; "ანკილოსტომიაზი სამეგრელოში"; "მასალები ჰელმითოიაზის დახასიათებისათვის ახალციხის, ახალქალაქისა და სენაკის რაიონებში". დაჯილდოებულია მრავალი მადლობითა და სიგელით. პრაქტიკული სამეანო-დიაგნოსტიკური ლაბორატორიის სამსახურების ერთ-ერთი წარმომადგენელი. ექიმი გინეკოლოგი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.566-568  

• აბაშის საექიმო საზოგადოება, თავმჯდომარე

• მედალი "1941-1945 წლებში დიდ სამამულო ომში მამაცური შრომისთვის"
• შრომის წითელი დროშის ორდენი