კახა ბარამიძე

დაბადების ადგილი: ქ. თბილისი.

დაამთავრა თბილისის სამედიცინო აკადემიის სამკურნალო ფაკულტეტი ექიმი ქირურგის კვალიფიკაციით 1995 წელს; 1996-1997წწ. ონკოლოგიის ეროვნული ცენტრის ინტერნატურა - ქირურგი ონკოლოგის კვალიფიკაცია (თბილისი, საქართველო); 1998-2001წწ. ონკოლოგიის ეროვნული ცენტრის ასპირანტურის სრული კურსი (თბილისი, საქართველო).

2001 წელს დაიცვა საკანდიდატო დისერტაცია თემაზე - "აქსილარული დისექციის როლი და ზედაზოგვითი ქირურგიული ტაქტიკის განსაზღვრა ძუძუს კიბოს I-II (T1-2N0M0) სტადიის დროს" და მიენიჭა მედიცინის მეცნიერებათა კანდიდატის ხარისხი; 2011 წელს განათლების ხარისხის განვითარების ეროვნული ცენტრის გადაწყვეტილებით მიენიჭა მედიცინის აკადემიური დოქტორის ხარისხი; 2014 წლიდან მიენიჭა პროფესორის წოდება.

პროფესიული გამოცდილება:

1984-1990წწ. იყო თბილისის I კლინიკური საავადმყოფოს სანიტარი; 1990-1995წწ. თბილისის რესპუბლიკური საავადმყოფოს ქირურგიის განყოფილების ექთანი; 1995-1999წწ. საქართველოს სამხედრო ჰოსპიტლის უმცროსი ექიმი; 2000-2013წწ. ონკოლოგიის ეროვნული ცენტრის მამოლოგიის განყოფილების ექიმი მამოლოგი, ონკოქირურგი; 2003-2013წწ. შ.პ.ს. ონკოლოგიური კლინიკის "ქირონის" მამოლოგი, ონკოქირურგი; 2003-2008წწ. კლინიკა "ინტერკლინიკის" ექიმი-მამოლოგი, კონსულტანტი; 2008-2018წწ. ეროვნული სკრინინგ ცენტრის ექიმი მამოლოგი, კონსულტანტი, ონკოქირურგი; 2001-2012წწ. კლინიკა "ჯანმრთელობის სახლის" ექიმი მამოლოგი, ონკოქირურგი; 2012 წლიდან კლინიკა "ჯანმრთელობის სახლის" ონკოლოგიის დეპარტამენტის ხელმძღვანელი; 2024 წლიდან კლინიკა "ჯანმრთელობის სახლის" ქირურგიის სამსახურის უფროსი.

სამეცნიერო საქმიანობა:

2010- 2011წწ. ონკოლოგიის ეროვნული ცენტრი - რეზიდენტთა მომზადების პროგრამის ხელმძღვანელი; 2014 წლიდან უნივერსიტეტ "გეომედის" ონკოლოგიის კათედრის პროფესორი; 2015 წლიდან პ. შოთაძის სახელობის სამედიცინო აკადემიის რეზიდენტთა მომზადების ონკოლოგიის მოდულის ხელმძღვანელი; 2013-2015წწ. 2 ასპირანტის სამეცნიერო ხელმძღვანელი; 2017 წელს 1 დოქტორანტის სამეცნიერო ხელმძღვანელი; 2000 წლიდან 47 პუბლიკაციისა და სამეცნიერო ნაშრომის ავტორი და თანაავტორი, რომელიც გამოიცა საქართველოსა და საზღვარგარეთის სამედიცინო გამოცემებში.

სამეცნიერო კლინიკური კვლევები:

2007 წლიდან 13 საერთაშორისო სამეცნიერო კლინიკური კვლევის ხელმძღვანელი.

სამეცნიერო კონფერენციები და ტრენინგები:

კავკასიის ქვეყნების ონკოლოგთა მესამე კონგრესი (2004, ერევანი, სომხეთი); ძუძუს კიბოს მასტერკლასი ფორუმი ESO (2005), სამხრეთ კავკასიის ონკოლოგთა მეოთხე საერთაშორისო კონგრესი (2007, თბილისი, საქართველო); აჩიბადემის საუნივერსიტეტო კლინიკის სემინარი (2009, სტამბოლი, თურქეთი); კიბოს მკურნალობის 21-ე საერთაშორისო კონგრესი (2010, პარიზი, საფრანგეთი); ძუძუს კიბოს მკურნალობის მეთოდები (2012, ბრიუსელი, ბელგია); ESMO-ს საერთაშორისო კონფერენცია (2012, 2013, ვენა, ავსტრია); ამიერკავკასიის ექიმთა ლიგა, კონფერენცია (2023, თბილისი, საქართველო); ევროპის ქირურგთა საზოგადოების ყოველწლიური კონფერენცია (2024, 2025, ბათუმი, საქართველო); ამიერკავკასიის ექიმთა ლიგა - სამედიცინო სიახლეები - კონფერენცია (2025, თბილისი საქართველო).

ძირითადი სამეცნიერო ინტერესები:

ძუძუს კიბო - პრევენცია, სკრინინგი, მკურნალობა; სარძევე ჯირკვლების დაავადებები და ჯანმრთელობა; ონკოქირურგია, ონკოპლასტიკური ქირურგია; სამედიცინო სამეცნიერო საქმიანობა; სამედიცინო მენეჯმენტი.

მამოლოგი, ონკოლოგი, ონკოქირურგი, საქართველოს წამყვანი სპეციალისტი მამოლოგიასა და ონკოქირურგიაში. 

წყარო: სადაც გამოცდილება სიცოცხლეს იცავს: kakhaberbaramidze.com

• ამერიკის ონკოლოგთა ასოციაცია (ASCO), წევრი (2025-)
• ამიერკავკასიის ექიმთა ლიგა, წევრი, ონკოლოგიის მიმართულების ხელმძღვანელი (TDL) (2014-)
• ევროპის სამედიცინო ონკოლოგიის საზოგადოება (ESMO), წევრი (2012-)
• საქართველოს კლინიკური ონკოლოგიის ასოციაცია (ACOG), წევრი (2024-)
• საქართველოს ონკოქირურგთა ასოციაცია (GAOS) , დამფუძნებელი და პრეზიდენტი (2026-)

• Business
  კლინიკა "ჯანმრთელობის სახლი"

  Address:	17 ლავრენტი მანაგაძის ქ, Tbilisi 0144
  Phone:	032 225 90 50
  WebSite:	https://healthhouse.ge/