ვაჟა თოდუა

დაბადების ადგილი: ქ. სოხუმი, აფხაზეთი.

დაამთავრა სოხუმის სუბტროპიკული მეურნეობის ინსტიტუტი 1963 წელს; 1965-1968 წლებში სწავლობდა მოსკოვის გენეტიკის ინსტიტუტის დასწრებულ ასპირანტურაში აკადემიკოს ნ. დუბინინისა და პროფესორ მ. ტერნოვსკის ხელმძღვანელობით; 1970 წელს სარატოვის ნ. ჩერნიშევსკის სახელობის სახელმწიფო უნივერსიტეტში (რუსეთი) წარმატებით დაიცვა სადოქტორო დისერტაცია გენეტიკის სპეციალობით.

სამუშაო გამოცდილება: 1963-1965 წლებში მუშაობდა კრასნოდარის კვლევით სამეცნიერო ინსტიტუტის სოხუმის ფილიალში მეცნიერ-თანამშრომლად; დისერტაციის დაცვის შემდეგ განაგრძო მუშაობა იმავე ინსტიტუტში გენეტიკის განყოფილების გამგედ (1972 წლამდე); 1973 წელს დაინიშნა საქართველოს მეცნიერებათა აკადემიის ზუგდიდის ბოტანიკური ბაღის დირექტორად; 1979 წლიდან იყო აფხაზეთის სახელმწიფო უნივერსიტეტის ბიოლოგია-გეოგრაფიის ფაკულტეტის დეკანის მოადგილე და დოცენტი; კითხულობდა ლექციებს ბოტანიკაში, ეკოლოგიასა და სამკურნალო მცენარეებში; 1993 წლიდან მუშაობას აგრძელებს თბილისში - ივანე ჯავახიშვილის სახელობის სახელმწიფო უნივერსიტეტის სოხუმის ფილიალში: თავდაპირველად ბიოლოგია-გეოგრაფიის ფაკულტეტის დეკანის, შემდეგ ბოტანიკა-ზოოლოგიის კათედრის გამგისა და სწავლული მდივნის პოზიციებზე; არჩეულია ასოცირებულ პროფესორად; 2008 წელს დაინიშნა ბოტანიკა-ზოოლოგიის ლაბორატორიის გამგედ; პედაგოგიური და სამეცნიერო მოღვაწეობა: აქტიურად კითხულობს ლექციებსა და სემინარებს ბოტანიკაში, ეკოლოგიასა და ფიტოთერაპიაში; მისი ხელმძღვანელობით სოხუმის სახელმწიფო უნივერსიტეტის ლაბორატორიაში შექმნილია გამორჩეული სასწავლო გარემო "ცოცხალი ბუნების" დარბაზი, სადაც განთავსებულია 65-მდე სახეობის ოთახისა და სამკურნალო მცენარე; მოაწყო მრავალრიცხოვანი ჰერბარიუმების გამოფენა და ჩართო ისინი სასწავლო პროცესში; სამეცნიერო აქტივობა და პუბლიკაციები: 1970 წლიდან მონაწილეობს საერთაშორისო კონგრესებსა და კონფერენციებში: გენეტიკოსთა XII საერთაშორისო კონგრესი (ტოკიო, 1968), თამბაქოს V საერთაშორისო სამეცნიერო კონგრესი (ჰამბურგი, 1970), ლენინგრადი (1975), მოსკოვი (1978), ნოვოსიბირსკი (1988), სარატოვი, იალტა (1990), კიევი (1991), თბილისი (1999, 2002, 2004, 2006, 2008), ქუთაისი (2011); 2013 წლის 8–10 მაისს მონაწილეობდა ბათუმის საერთაშორისო კონფერენციაში, რომელიც მიეძღვნა ბათუმის ბოტანიკური ბაღის 100 წლის იუბილეს; გამოდიოდა მოხსენებებით სხვადასხვა სამეცნიერო თემებზე. გამოქვეყნებული აქვს 70-ზე მეტი სამეცნიერო სტატია, 3 მონოგრაფია და 1 სახელმძღვანელო. 2018 წელს ერთ-ერთი სტატია გამოქვეყნდა ამერიკის შეერთებული შტატების საერთაშორისო სამეცნიერო ჟურნალში "ეკოლოგიური და გარემოსდაცვითი კვლევის მიღწევები" (ss-pub.org); მისი ავტორობით გამოცემულია სახელმძღვანელო წიგნი "ფიტოთერაპია", რომელიც რეკომენდებულია უნივერსიტეტების ბიოლოგიისა და ფარმაციის სპეციალობებისთვის. ბიოლოგიის მეცნიერებათა დოქტორი.

• 2024 - სოხუმის სახელმწიფო უნივერსიტეტის მადლობის სიგელი
  საბუნებისმეტყველო მეცნიერებათა, მათემატიკის, ტექნოლოგიებისა და ფარმაციის ფაკულტეტის ბოტანიკა - ზოოლოგიის ლაბორატორიის გამგეს წარმატებული პედაგოგიური და სამეცნიერო საქმიანობისთვის
• 2015 - ერევნის უნივერსიტეტი საპატიო სიგელი
  საერთაშორისო სამეცნიერო კონფერენციაში შეტანილი მნიშვნელოვანი წვლილისთვის
• 1999 - აფხაზეთის ავტონომიური რესპუბლიკის უმაღლესი საბჭოს საპატიო სიგელი

• ფიტოთერაპია : მკურნალობა მცენარეებით : სრული კურსი : ლიტერატურული მონაცემები, გამოკვლევები : სახელმძღვ. უნ-ტების ფარმაცევტული და ბიოლოგიის პროფილის სტუდენტებისათვის (ავტორი). - თბილისი, 2016. - 344გვ.
• მცენარეთა ანატომია და მორფოლოგია : განმარტებითი ლექსიკონი : დამხმ. სახელმძღვ. უნ-ტების ბიოლ. და ფარმაც. ფაკ-ტების სტუდენტებისათვის (რედაქტორი). - თბილისი, 2013. - 152გვ.. - ISBN: 9789941036002