ეკა დადიანი

დაბადების ადგილი: სოფელი ქვემო ქვალონი, ხობის მუნიციპალიტეტი.

დაამთავრა აკაკი წერეთლის სახელმწიფო უნივერსიტეტის ისტორია-ფილოლოგიის ფაკულტეტი 1993 წელს.

1993 წლიდან მუშაობს აკაკი წერეთლის სახელმწიფო უნივერსიტეტში; 1993-2011წწ. იყო ქართველური დიალექტოლოგიის სამეცნიერო-კვლევითი ინსტიტუტის მეცნიერ-თანამშრომელი; 2012-2016წწ. -  ქართველური დიალექტოლოგიის სამეცნიერო-კვლევითი მიმართულების კოორდინატორი; 2017 წლიდან ხელმძღვანელობს პროფესორ ტარიელ ფუტკარაძის სახელობის ქართველოლოგიის სამეცნიერო-კვლევით ცენტრს; 2006 წლიდან ქართული ფილოლოგიის დეპარტამენტის ასოცირებული პროფესორია. მონაწილეობს საერთაშორისო და ეროვნულ სამეცნიერო კონფერენციებში. არის საერთაშორისო სამეცნიერო კონფერენციის - "ქუთაისური საუბრების" და სტუდენტთა კონფერენციების ორგანიზატორი; აკაკი წერეთლის სახელმწიფო უნივერსიტეტის სამეცნიერო ჟურნალ "ქართველური მემკვიდრეობისა" და ქუთაისის ილია ჭავჭავაძის სახელობის საჯარო ბიბლიოთეკის ჟურნალ "წელიწდეულის" მთავარი რედაქტორი. ხელმძღვანელობს დიალექტოლოგიურ ექსპედიციებს  საქართველოსა და მის ფარგლებს გარეთ (თურქეთი, ირანი). გამოქვეყნებული აქვს 100-ზე მეტი სამეცნიერო ნაშრომი.

სადისერტაციო თემა -  "კავშირებითის ნაკვთები მეგრულში (სხვა ქართველურ ქვესისტემებთან მიმართებით)", დაიცვა 2001 წელს.

• ქართველური დიალექტოლოგია : სალექციო კურსი (თანაავტორი) // ნაწ.1. - თბილისი, 2018. - 266გვ.
• მეგრული ტექსტები - I : (ხობი, ქვემო ქვალონი) = The Megrelian texts - I : (Khobi, Kvemo Kvaloni) (ავტორი). - ქუთაისი, აკაკი წერეთლის სახელმწ. უნ-ტის გამ-ბა, 2015. - 610გვ.. - ISBN: 9789941459900
• მეგრული ზმნის პარადიგმა = The megrelian verb paradigm (ავტორი). - ქუთაისი, აკაკი წერეთლის სახელმწ. უნ-ტის გამ-ბა, 2014. - 473გვ.. - ISBN: 9789941455858
• "ევროპული ქარტია რეგიონული ან უმცირესობის ენის შესახებ" და საქართველო (თანაავტორი). - ქუთაისი, 2010. - 384გვ. - ISBN: 9789941024238
• ქართული ენის ისტორია : სახელმძღვანელო უნ-ტის ბაკალავრიატის სტუდენტებისათვის (თანაავტორი). - ქუთაისი, აკაკი წერეთლის სახელმწ. უნ-ტის გამ-ბა, 2006. - 336გვ. - ISBN: 9992879696