კალე საჯაია

დაბადების ადგილი: ქ. ხობი.

დაამთავრა ოდესის უნივერსიტეტის სამედიცინო ფაკულტეტი 1918 წელს.

სტუდენტი შედის კომპარტიის რიგებში და ებმება რევოლუციურ მოძრაობაში; ჰქონდა რევოლუციური ფსევდონიმები; 1917 წლიდან იყო რკპ(ბ) ოდესის ოლქის რევოლუციური კომიტეტის თავმჯდომარე; 1920 წელს ჩამოვიდა საქართველოში; 1921 წლიდან ბათუმის რევოლუციური კომიტეტის თავმჯდომარის მოადგილეა; 1924 წლიდან ეწეოდა პედაგოგიურ და სამეცნიერო-კვლევით მუშაობას მეანობა-გინეკოლოგიაში; 30 -იანი წლების დასაწყისში უთანხმოების გამო დატოვა კომპარტიის რიგები და დანარჩენი წლები მთლიანად მიუძღვნა სამეცნიერო საქმიანობას; აქვს მნიშვნელოვანი სამეცნიერო შრომები მეანობა-გინეკოლოგიაში; ითვლებოდა პროფესორ ბორის ღოღობერიძის მოწაფედ; წითელი ჯვრის საზოგადოების საავადმყოფოს მთავარი ექიმი და მეან-გინეკოლოგიური განყოფილების გამგე და თბილისის N2 საავადმყოფოს დირექტორი იყო. მოგვიანებით საქართველოს სსრ-ის შინაგან საქმეთა სახალხო კომისარიატმა წაუყენა ბრალდება, რომ იყო მემარჯვენე კ/რ ორგანიზაციის მონაწილე, კავშირი ჰქონდა ამ ორგანიზაციის ერთ-ერთ გამოჩენილ პიროვნებასთან, იბირებდა ხალხს ორგანიზაციაში და ეწეოდა მავნებლურ სამუშაოებს წითელ ჯვარში და მიუყენეს სასჯელის უმაღლესი ზომა დახვრეტა. 1956 წელს შეეხო რეაბილიტაცია. მედიცინის მეცნიერებათა დოქტორი (1935), პროფესორი (1936).

წყარო:  საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ. 646-647; სტალინური სიები: stalin.historyproject.ge