ზაურ ბოჭორიშვილი

დაბადების ადგილი: ქ. ლანჩხუთი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი 1959 წელს.

1959 წლიდან სხვადასხვა პერიოდში მუშაობდა: "კავგიპროტრანსში", გეოლოგიის სამმართველოში, "საქტრანსპროექტში", "ჟეოინჟინერინგში", ბოლოს პენსიაზე გასვლამდე იყო გეოლოგიის დეპარტამენტის, კახეთის რეგიონის საინჟინრო გეოეკოლოგიური პარტიის უფროსი. მისი უშუალო ხელმძღვანელობით და მონაწილეობით შესრულებულია საინჟინრო-გეოლოგიური კვლევები, როგორიცაა რკინიგზის ახალი ხაზები: ზუგდიდი-ჯვარი, ბარდა-აგდამი, კრიმსკაია-გრუშევაია, იჯევან-რაზდანი, შორჟა-ზოდი, მარაბდა-ახალქალაქი, ევლახ-ბელოქანი, ახურიანის წყალსაცავის შემოვლითი ხაზი; 1977-1979წწ. მუშაობდა ირანში "კავგიპროტრანსის" ექსპედიციის მთავარ გეოლოგად, მეშხედ-სერახსის რკიგზის ახალი ხაზის დაპროექტებაზე. მის მიერ შესრულებულია საინჟინრო-გეოლოგიური დასკვნები რკინიგზის პერსპექტიულ ხაზებზე: თელავი-ახმეტა, წნორი-ბელოქანი, საჯავახო-ჩოხატაური-ოზურგეთი, ზუგდიდი-წყალტუბო-ამბროლაური-ცხინვალი. აგრეთვე, სოფელ ზედა შავრის იოანე ნათლისმცემლის სახელობის ეკლესიის აღდგენითი საინჟინრო-გეოლოგიური დასკვნაც.

წყარო: ჩვენი რაჭა / ირაკლი დვალი.-თბ.,2008.-გვ.85-86