ომარ ღლონტი

დაბადების ადგილი: ქ. გორი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1962 წელს.

მუშაობდა კიბერნეტიკის ინსტიტუტში მეცნიერ-თანამშრომლად; 1965-1968წწ. წლებში იყო საქართველოს მეცნიერებათა აკადემიის რაზმაძის სახელობის მათემატიკის ინსტიტუტის ასპირანტი; ამავე პერიოდში მივლინებული იყო მოსკოვის ე. სტეკლოვის სახელობის მათემატიკის ინსტიტუტში; 1990 წელს ვილნიუსის უნივერსიტეტში დაიცვა დისერტაცია და მიენიჭა ფიზიკა-მათემატიკის მეცნიერებათა დოქტორის სამეცნიერო ხარისხი; 1968-1973წწ. - თბილისის სახელმწიფო უნივერსიტეტის ი. ვეკუას სახელობის გამოყენებითი მათემატიკის ინსტიტუტის უფროსი მეცნიერ-თანამშრომელი; 1973-1983წწ. – ეკონომიკისა და სამართლის ინსტიტუტის განყოფილების გამგე; 1983-1990წწ. – ა. რაზმაძის სახელობის მათემატიკის ინსტიტუტის სექტორის გამგე; 1990-2006წწ. – თბილისის სახელმწიფო უნივერსიტეტის ალბათურ-სტატისტიკური მეთოდების ს/კ ლაბორატორიის გამგე; 2006 წლიდან - თბილისის სახელმწიფო უნივერსიტეტის ასოცირებულ პროფესორი; მონაწილეობდა საერთაშორისო კონფერენციებისა და სიმპოზიუმების მუშაობაში, სამეცნიერო ვიზიტებით იმყოფებოდა მსოფლიოს წამყვან სამეცნიერო ცენტრებში, მათ შორის პარიზის პიერ და მარია კიურების უნივერსიტეტში (2002), კოპენჰაგენის უნივერსიტეტსა და მათემატიკის ინსტიტუტში (2003); 2014 წელს მონაწილეობდა სალერნოს (იტალია) უნივერსიტეტისა და თბილისის სახელმწიფო უნივერსიტეტის ერთობლივ სამეცნიერო კონფერენციაში მათემატიკურ მოდელირებაში, რომელიც ჩატარდა სალერნოს უნივერსიტეტის მათემატიკის დეპარტამენტში. ეს იყო პირველი საერთაშორისო იტალია-საქართეელოს კონფერენცია და პირველი ინტერდისციპლინური შეხვედრა, რომელიც შეეხება სასიცოცხლოდ მნიშვნელოვან პრობლემას – იმუნოლოგიას. თბილისის სახელმწიფო უნივერსიტეტში გაწეული მნიშვნელოვანი სამეცნიერო მიღწევებისა და დამსახურებისთვის დაჯილდოვდა თბილისის სახელმწიფო უნივერსიტეტის მედლით (გარდაცვალების შემდეგ). აშშ-ში გამოცემულ წიგნში WHO WAS WHO in America (with world notables) 2014-2016 Volume XXVI, შეტანილია ომარ ღლონტის მოკლე ბიოგრაფიული მონაცემები.

წყარო: საქართველო ინფორმატიზაციის სათავეებთან/იდეის ავტორები: ივ. გორგიძე, ალ. გრიგოლიშვილი, ნ. იაშვილი; სარედაქციო კოლეგია: ა. ფრანგიშვილი, ბ. აბდუშელიშვილი, მ. ახობაძე [და სხვ.]. -თბ., 2017.-გვ.298-299

• ალბათობა: ელემენტარული ალბათობის თეორია, მათემატიკური საფუძვლები, ზღვარითი თეორია : ლექციების კურსი 2 წიგნად (მთარგმნელი) // წ. 1 . - თბილისი, თბილ. უნ-ტის გამ-ბა, 2018. - 706გვ.. - ISBN: 9789941135583
• ევროპული ტიპის სტანდარტული ოფციონი : დამხმ. სახელმძღვ. ეკონ. ფაკ. სტუდ. (რედაქტორი). - თბილისი, თბილ. უნ-ტის გამ-ბა, 2005. - 134გვ.. - ISBN: 9994012444
• სტოქასტური ფინანსური მათემატიკა : კურსი ეკონომისტებისათვის (ავტორი). - თბილისი, თბილ. უნ-ტის გამ-ბა, 2002. - 162გვ.
• ფინანსური ანალიზის რაოდენობრივი მეთოდები : ფინანსური და სადაზღვევო მათემატიკა : ფინანსური ინჟინერია (თანაავტორი). - თბილისი, ს/ს "პირველი სტამბა", 1999. - 696გვ.