აკაკი კივილაძე

დაბადების ადგილი: სოფელი ჯვარისა, ამბროლაურის რაიონი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1949 წელს.

1942-1943 წლებში მონაწილეობდა დიდ სამამულო ომში; 1943 წელს ქერჩთან ბრძოლებში მძიმედ დაჭრილი ა. კივილაძე  სამშობლოში დაბრუნდა; 1949-1953 წლებში მუშაობდა თეთრიწყაროს ქართული საშუალო სკოლის დირექტორად; 1953-1973 წლებში ქ. თბილისის პიონერთა და მოსწავლეთა რესპუბლიკურ სასახლეში მხარეთმცოდნეობისა და ნატურალისტური კაბინეტის ხელმძღვანელად; 1973-1983 წლებში ქ. თბილისის მე-8 საშუალო სკოლის დირექტორად. მისი ხელმძღვანელობით სკოლამ ორჯერ "ქალაქის საუკეთესო სკოლის" სახელი მოიპოვა და საქართველოს მინისტრთა საბჭოს დადგენილებით ნიკო ლორთქიფანიძის სახელი მიენიჭა; 1987 წელს მე-8 სკოლა " ნდობის სკოლად" გამოცხადდა, ხოლო მის ხელმძღვანელს უმაღლესი კატეგორიის მასწავლებლის საპატიო წოდება მიენიჭა. სასწავლო-აღმზრდელობით საქმიანოობაში მოპოვებული წარმატებებისთვის მისი შრომა მრავალი სახელმწიფო ჯილდოთია აღნიშნული.

წყარო: ჩვენი რაჭა / ირაკლი დვალი.-თბ.,2008.-გვ.193

• 1986 - სსრ კავშირის სახალხო განათლების წარჩინებული
• 1978 - იაკობ გოგებაშვილის სახელობის მედალი
• 1969 - საქართველოს დამსახურებული მასწავლებელი
• ღირსების ორდენი
• სამამულო ომის I ხარისხის ორდენი
• წითელი ვარსკვლავის ორდენი

• პედაგოგი და სასწავლო-აღმზრდელობითი მუშაობა პიონერთა ბანაკში (შემდგენელი). - თბილისი, 1973. - 22გვ.