ანა კუცია-ჩოჩია

დაამთავრა ფოთის ქალთა გიმნაზია 1919 წელს; თბილისის სახელმწიფო უნივერსიტეტის სამედიცინო ფაკულტეტი 1929 წელს.

იყო გამოჩენილი პედიატრის, პროფესორ სიმონ გოგიტიძის ერთ-ერთი უახლოესი მოწაფე და თანამშრომელი. 1921-1926წწ. იყო მისი ასისტენტი თბილისის პირველ კლინიკურ (ე.წ. "არამიანცის") საავადმყოფოში, ხოლო 1926-1930 წლებში ამავე საავადმყოფოს ექიმი-პედიატრი; 1930-1964 წლებში იყო აბაშის რაიონის ჯანმრთელობის დაცვის განყოფილების გამგე, შემდეგ კი აბაშის რაიონული საავადმყოფოს პედიატრიული განყოფილების გამგე. ანა კუცია-ჩოჩია აქტიურად მონაწილეობდა საქართველოს პედიატრიული საზოგადოების საქმიანობაში. ითვლებოდა საქართველოს ერთ-ერთ საუკეთესო პედიატრად. ცნობილი მრეწველის, კომერსანტის და საზოგადო მოღვაწის ნესტორ კუციას შვილი, ცნობილი მკვლევარ-ბიბლიოგრაფის და პედაგოგის თამარ კუცია-ღვალაძის და, ცნობილი ქირურგის ალექსანდრე ჩოჩიას დედა.

• საქართველოს პედიატრთა საზოგადოება, წევრი

• 1940 - საქართველოს დამსახურებული ექიმი