ია ბოკუჩავა

დაბადების ადგილი: ქ. აბაშა.

დაამთავრა თბილისის სახელმწიფო სამედიცინო ინსტიტუტის პედიატრიის ფაკულტეტი 1972 წელს. 

1972-1982წწ. აბაშის რაიონის ბავშვთა განყოფილების ექიმი-პედიატრი; 1983 წლიდან ქ. სამტრედიის შპს "პედიატრის" ბავშვთა პოლიკლინიკის ექიმი-ნევროპათოლოგი; ამ ხნის მანძილზე პარალელურად შეთავსებით მუშაობდა სამტრედიის რაიონული საავადმყოფოს ინფექციურ, ტრავმულ, რეანიმაციულ, სამშობიარო სახლის ახალშობილთა განყოფილებებში ნევროპათოლოგად; გავლილი აქვს კვალიფიკაციის ასამაღლებელი კურსები: 1982 წელს თბილისის ექიმთა დახელოვნების სახელმწიფო ინსტიტუტში გაიარა სპეციალიზაციის კურსი და მიიღო ექიმ-ნევროპათოლოგის დიპლომი; 1998 წელს - თბილისში, ბავშვთა ნევროლოგიის განხრით; 1982, 1983 წლებში გააგზავნეს ქ. თბილისის მურმან იაშვილის სახელობის ბავშვთა რესპუბლიკური საავადმყოფოს ფსიქონევროლოგიურ განყოფილებაში; ქ. თბილისის ინფექციური საავადმყოფოს ნეიროინფექციურ განყოფილებაში; 1984 წელს - ბავშვთა ინფექციურ საავადმყოფოში; 1985 წელს - ტუბერკულოზურ სნეულებათა სამეცნიერო-კვლევითი ინსტიტუტის მენინგიტების განყოფილებაში; 1985 წელს - ქ. თბილისის დედათა და ბავშვთა ჯანმრთელობის დაცვის ინსტიტუტის ახალშობილთა განყოფილებაში; 2002 წელს გამოცდის წარმატებულად ჩაბარების შედეგად გადაეცა ექიმი-ნევროლოგის სერთიფიკატი; იყო თბილისის სახელმწიფო სამედიცინო ინსტიტუტის ივანე თარხნიშვილის სტუდენტთა სამეცნიერო საზოგადოების აქტიური წევრი, გამოცემულია მისი ნაშრომი "თამბაქოს მავნეობის" შესახებ და სხვა ბევრი პოპულარული შინაარსის სტატია. ექიმი-ნევროპათოლოგი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.860-862