ფარნა მენთეშაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1939 წელს.

1956 წლიიდან ამავე უნივერსიტეტის ბუღალტრული აღრიცხვისა და სამეურნეო საქმიანობის ანალიზის კათედრაზე იყო დოცენტი, პროფესორი; 1972–1985წწ. – კათედრის გამგე; მისი ხელმძღვანელობით კათედრასთან ჩამოყალიბდა ბუღალტრული აღრიცხვისა და ეკონომიკური ანალიზის დარგობრივი სამეცნიერო-კვლევითი ლაბორატორია, რომელმაც დიდი როლი შეასრულა საწარმოებში ბუღალტრული აღრიცხვისა და კონტროლის პროგრამების ფორმებისა და მეთოდების დანერგვის საქმეში. ის არის სამეცნიერო ნაშრომების, მ. შ. მონოგრაფიებისა და სახელმძღვანელოს ავტორი. მისი მეცნიერული კვლევის სფეროს წარმოადგენდა საქართველოს კვების მრეწველობის ეკონომიკური ეფექტიანობის, ბუღალტრული აღრიცხვისა და ეკონომიკური ანალიზის პრობლემური საკითხები, რევიზია და კონტროლი. ეკონომიკის მეცნიერებათა დოქტორი (1972), პროფესორი (1973). 
წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• 1976 - ივანე ჯავახიშვილის სახელობის მედალი

• სიახლენი მოგებისა და ფინანსური მდგომარეობის ანალიზში (ავტორი). - თბილისი, თბილისის სახ.უნ-ტის გამომცემლობა, 1994. - 96გვ.
• სამრეწველო საწარმოთა ბალანსის ანალიზი : სალექციო კურსი (ავტორი). - თბილისი, თბილისის სახ.უნ-ტის გამომცემლობა, 1991. - 80გვ.
• პროდუქციის თვითღირებულება და მისი შემცირების გზები საქართველოს სსრ კვების მრეწველობაში (ავტორი). - თბილისი, საბჭოთა საქართველო, 1962. - 141გვ.