გივი მერაბიშვილი

დაბადების ადგილი: ქ. ახალციხე.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი ფსიქოლოგის სპეციალობით 1964 წელს.

მუშაობდა დ. უზნაძის სახელობის ფსიქოლოგიის ინსტიტუტში; საქართველოს პოლიტექნიკურ ისტიტუტში განყოფილების გამგედ; მასწავლებელთა დახელოვნების ცენტრალურ რესპუბლიკურ ინსტიტუტში. 1974–2006წწ. მოღვაწეობდა თბილისის სახელმწიფო უნივერსიტეტში (დოცენტი, პროფესორი) 1982–1988წწ. აქვე ხელმძღვანელობდა ლაბორატორიას; 2000 წლიდან არის ფსიქოთერაპიული ცენტრის, "არსის" გენერალური დირექტორი. მისი კვლევის ძირითადი მიმართულებებია: განწყობის ფსიქოლოგია, მძღოლის ფსიქოლოგია, საინჟინრო ფსიქოლოგია და ფსიქოთერაპია. მან შექმნა ყურადღებისა და ანტიციპაციის საკვლევი ტესტები, შეიმუშავა ექსტრემალურ პირობებში მომუშავეთა პროფესიული შემოწმებისა და ფსიქოტრენინგების მეთოდიკა. ჩამოაყალიბა საკუთარი მიმართულება ფსიქოთერაპიაში, ე. წ. ანთროპოანალიზი. არის რამდენიმე სახელმძღვანელოს ავტორი. ფსიქოლოგიის მეცნიერებათა დოქტორი (1989), პროფესორი (1991). 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• ფსიქიკისა და სხეულის ჰარმონია (ავტორი). - თბილისი, 2009. - 64გვ.
• ფსიქიკური სიჯანსაღის ფორმულა : ანთროპოანალიზი (ავტორი). - თბილისი, 2005. - 216გვ.
• ფსიქოთერაპია (ავტორი). - თბილისი, 1999. - 206გვ.
• ბავშვთა ფსიქოპროფილაქტიკა (ავტორი). - თბილისი, ცოდნა, 1999. - 56გვ.
• შრომის სოციალური და ფსიქოლოგიური ასპექტები (ავტორი). - თბილისი, 1999. - 261გვ.
• ზოგადი და იურიდიული ფსიქოლოგია (ავტორი). - თბილისი, 1998. - 244გვ.
• Взаимоотношение биологического - социального в человеке (ავტორი). - Тбилиси, Изд-во Тбил. ун-та, 1990. - 195с.
• პარტიის სოციალური პოლიტიკა და მართვის ფსიქოლოგია (ავტორი). - თბილისი, 1988. - 32გვ.
• მძღოლის ფსიქოლოგია (ავტორი). - თბილისი, საბჭოთა საქართველო, 1977. - 277გვ.